Fréttir

Íbúum Fjallabyggðar er bent á að kynna sér tilkynningu frá Almannavörnum sem nálgast má hér.

Starf íþróttamiðstöðvar Fjallabyggðar tekur nú mið af gildandi sóttvarnarreglum frá 13. janúar 2021. Í sundlaugina er heimilt að hleypa 50% af leyfilegum hámarksfjölda í sundlaugar í einu. Í sundlaugum Fjallabyggðar eru þetta 15 manns í búningsklefa í einu og 84 á sundlaugasvæði og 6 í pottum. Hér má sjá gildandi opnunartíma sundlaugar.

Félagsstarf aldraðra og dagdvöl eldri borgara hófst að nýju 14. janúar og er dagskráin fjölbreytt að venju. Allir heldri borgarar Fjallabyggðar ættu að geta fundið eitthvað við sitt hæfi og notið félagsstarfsins í vetur.

Undanfarna daga hefur bætt mikið á snjó og horfur á að svo verði áfram næstu daga. Íbúum er því bent á að fara varlega og kynna sér aðstæður á hverjum stað og tíma. Smellið á frétt til að sjá spá um snjóflóðahættu á utanverðum Tröllaskaga, viðvaranir og fl.

Bókasafnið á Siglufirði er lokað í dag miðvikudaginn 20. janúar af óviðráðanlegum ástæðum. Bókasafnið í Ólafsfirði er opið frá kl. 13:00-17:00

Fjallabyggð veitir ár hvert menningartengda styrki til félagasamtaka, stofnana og einstaklinga til starfsemi og þjónustu sem fellur að hlutverki sveitarfélagsins eða telst á annan hátt í samræmi við stefnumörkun, áherslur, forgangsröðun og fjárhagsáætlun bæjarstjórnar.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra landsmanna. Markmið þess er að hvetja landsmenn til þess að fara eftir ráðleggingum embættis landlæknis um hreyfingu hvort sem er í frítíma, vinnu, skóla eða við val á ferðamáta. Í ráðleggingunum segir að börn og unglingar ættu að hreyfa sig í minnst 60 mínútur daglega og fullorðnir ættu að stunda miðlungserfiða hreyfingu í minnst 30 mínútur daglega.

Skrifstofur Fjallabyggðar opna á ný mánudaginn 18. janúar nk. Í gildi verður grímuskylda og tveggja metra regla.

Það er sönn ánægja að tilkynna að Unnsteinn Sturluson nemandi í Grunnskóla Fjallabyggðar var hlutskarpastur á unglingastigi með ljóðið Ljósið mun sýna þér sannleikann. Stórkostlegur árangur hjá Unnsteini. Þetta er annað árið í röð sem Grunnskóli Fjallabyggðar á vinningshafa í keppninni.

Áfangastaðaáætlun fyrir Norðurland, sem gildir frá 2021-2023 hefur nú verið gefin út og má sjá hlekk á hana hér neðst. Áætluninni er ætlað að gefa skýra mynd af ferðaþjónustunni, markmiðum hennar og uppbyggingarþörf ásamt því að leggja áherslu á þarfir og væntingar ferðamanna í öllum verkefnum.