Fréttir

Skíðasvæðið í Skarðsdal opnar aftur eftir hreinsun og er fyrsti opnunardagur í dag föstudaginn 12. febrúar. Opið er milli 14:00 og 19:00. Forstöðumaður skíðasvæðisins í Skarðsdal á Siglufirði, Egill Rögnvaldsson, vill koma fram þakklæti til allra þeirra fjölmörgu sem lögðu hönd á plóg til að hægt væri að opna skíðasvæðið á ný. [Meira]

Tilkynning frá Hornbrekku í Ólafsfirði vegna öskudagsins. Tekið verður á móti börnunum milli kl. 11:00 og 12:00 í andyri niðri. Ef veður leyfir verður skipulagið þannig að krakkarnir verða úti að syngja fyrir íbúana.

Vegna gildandi samkomutakmarkana verður ekki haldin öskudagsskemmtun í íþróttahúsinu í Ólafsfirði eins og venja er á þessum degi.

Ferðamála-, iðnaðar- og nýsköpunarráðherra auglýsir eftir umsóknum um Lóu - nýsköpunarstyrki fyrir landsbyggðina. Hlutverk styrkjanna, sem nú verða veittir í fyrsta sinn, er að styðja við nýsköpun, eflingu atvinnulífs og verðmætasköpun sem byggir á hugviti, þekkingu og nýrri færni, á forsendum svæðanna sjálfra.

Í dag er 112 dagurinn og auðvitað var hann kynntur fyrir börnunum á leikskólanum. Aðalmarkmið dagsins var að kynna neyðarnúmerið 112. En áhersla dagsins er einnig að þessu sinni að huga sérstaklega að barnavernd og öryggi og velferð barna og ungmenna.

Akstur skólarútu verður samkvæmt gildandi aksturstöflu dagana 16. - 19. febrúar. Vetrarfrí verður í Grunnskóla Fjallabyggðar 18. og 19. febrúar nk. Akstur skólrútunnar verður með eftirfarandi hætti þessa fjóra daga [meira]

1-1-2 dagurinn verður haldinn um allt land 11. febrúar næstkomandi eins og undanfarin ár. Sjónum verður að þessu sinni beint sérstaklega að barnavernd og öryggi og velferð barna og ungmenna. Umfjöllunin tengist vitundarvakningu vegna nýrrar gáttar um ofbeldi í nánum samböndum á 112.is.

Björgunarsveitin Strákar á Siglufirði halda upp á 112 daginn með styrktartónleikum í Siglufjarðarkirkju fimmtudaginn 11. febrúar kl. 20:00 Miðasala fer fram á tix.is eða með að senda tölvupóst á strakar.tonleikar@gmail.com Tónleikunum verður streymt á youtube rás Straumenda

Markmið laga nr. 160/2011, um svæðisbundna flutningsjöfnun, er að styðja við framleiðsluiðnað og atvinnuuppbyggingu á landsbyggðinni með því að jafna flutningskostnað framleiðenda sem eru með framleiðslu og lögheimili fjarri innanlandsmarkaði eða útflutningshöfn og búa þ.a.l. við skerta samkeppnisstöðu vegna hærri flutningskostnaðar en framleiðendur staðsettir nær markaði.

Markmið með starfi NORA (Norræna Atlantssamstarfsins) er að styrkja samstarf á Norður-Atlantshafssvæðinu. Ein leið að því markmiði er að veita verkefnastyrki tvisvar á ári til samstarfsverkefna á milli Íslands og a.m.k. eins annars NORA-lands, þ.e. Grænlands, Færeyja, strandhéraða Noregs. Nú er komið að fyrri úthlutun ársins 2021.