Fréttir

Að gefnu tilefni er vakin athygli á því að opnað verður fyrir umsóknir um styrki fyrir árið 2024 mánudaginn 4. september 2023 Umsóknarfresti lýkur á miðnætti sunnudaginn 24. september 2023. Einungis verður hægt að sækja um rafrænt inn á Rafræn Fjallabyggð.

Framkvæmdir við uppsetningu stoðvirkja fyrir ofan byggðina í Siglufirði á vegum Ofanflóðasjóðs og Fjallabyggðar hafa gengið mjög vel í sumar og gera áætlanir ráð fyrir að verkið allt klárist í lok sumars 2024. Verktakar munu verða við vinnu í fjallinu út september og mæta svo aftur til vinnu næsta vor.

Í samvinnu við Landhelgisgæsluna var farið í að hreinsa upp gömul dekk sem farið hafa í sjóinn við Óskarsbryggju á Siglufirði.

Vegna Umhyggjudagsins verður frítt í sund í sundlaugum Fjallabyggðar laugardaginn 26. ágúst frá kl. 14:00 og 16:00. Glaðningur fyrir alla krakka sem mæta í sund, á meðan birgðir endast.

Göngum í skólann www.gongumiskolann sem verður sett í sautjánda sinn miðvikudaginn 6. september nk. og lýkur formlega með alþjóðlega Göngum í skólann deginum miðvikudaginn 4. október (www.iwalktoschool.org). Markmið verkefnisins er að hvetja börn til að tileinka sér virkan ferðamáta í og úr skóla og auka færni sína til að ferðast á öruggan hátt í umferðinni.

Fjallabyggð auglýsir eftir tilboðum í viðbyggingu við grunnskólann á Ólafsfirði

Heitavatnslaust verður á Siglufirði í miðbæ og að Hvanneyrabraut 66, sjá nánar á korti, 15.08.2023 frá kl 23:00 og fram eftir nóttu vegna viðgerða á dreifikerfi. Nánari upplýsingar veitir Svæðisvakt RARIK Norðurlandi í síma 528 9000 og kort af svæðinu má sjá á www.rarik.is/rof

Vegna forfalla eru lausar tvær 100% stöður skólaliða við Grunnskóla Fjallabyggðar - í skólahúsinu við Norðurgötu á Siglufirði og í skólahúsinu við Tjarnarstíg Ólafsfirði. Einnig er laus 40% staða skólaliða við skólahúsið við Norðurgötu. Vinnutími 13:00-16:15.

Laus er ríflega 50% staða starfsmanns í Frístund og lengdrar viðveru í skólahúsinu við Norðurgötu á Siglufirði. Vinnutími er frá 12:00 í 16:15 alla virka daga.

Auglýsing um skipulag í Fjallabyggð