Fréttir

Bindandi samkomulagi hefur verið komið á varðandi kaup á varðskipinu Freyju á milli United Offshore Support GmbH og Landhelgisgæslu Íslands. Ríkiskaup og Landhelgisgæsla Íslands efndu til útboðs fyrr á árinu og bárust fimm tilboð. Einungis tvö þeirra reyndust gild og var lægra tilboðinu tekið. Með kaupum á varðskipinu Freyju eykst björgunargeta Landhelgisgæslunnar á hafinu til muna en skipið er sérlega vel búið til björgunar- og löggæslustarfa.Skipið var smíðað árið 2010 og hefur undanfarin ár þjónustað olíuiðnaðinn.

Á undanförnum áratugum hefur Menningarsjóður KEA, nú Menningar- og viðurkenningarsjóður KEA, veitt hverskonar menningarstarfsemi á félagssvæðinu öflugan fjárhagslegan stuðning. Opið er fyrir umsóknir en umsóknarfrestur rennur út 21. október.

Miðvikudaginn 15. september sl. stóð Fjallabyggð fyrir opnum íbúafundi í Ráðhúsi. Fjölmenni mætti til fundarins. Á fundinum voru kynnt drög að hönnun miðbæjar Siglufjarðar byggð á deiliskipulagi sem samþykkt var af bæjarstjórn Fjallabyggðar síðla árs 2017. Elías Pétursson, bæjarstjóri Fjallabyggðar stýrði fundi og fór fulltrúi hönnuðar, Aðalheiður E. Kristjánsdóttir landslagsarkitekt hjá Landmótun ítarlega yfir alla helstu þætti hönnunar og útlits.

Kjördeildir í bæjarfélaginu Fjallabyggð við Alþingiskosningarnar þann 25. september nk. verða tvær. Kjördeild I í Ráðhúsi Fjallabyggðar, 2. hæð Gránugötu 24 Siglufirði kjósa íbúar Siglufjarðar. Kjörfundur hefst kl. 10:00. Í kjördeild II í húsi Menntaskólans á Tröllaskaga að Ægisgötu 13 í Ólafsfirði kjósa íbúar Ólafsfjarðar. Kjörfundur hefst kl. 10:00.

Sundlaugin í Ólafsfirði verður lokuð í dag 13. september frá kl. 16:30 vegna viðgerðar á heitavatnslögn í bænum. Ræktin verður opin eins og venjulega til kl. 19:00. Forstöðumaður íþróttamiðstöðva

Heitavatnslaust verður í Ólafsfirði milli 17:00 og 23:00 í dag mánudaginn 13. september Vegna vinnu við dreifikerfi verður LOKAÐ fyrir HEITT VATN í Ólafsfirði, sunnan við Ólafsveg og fram í Hólkot í dag mánudaginn 13. september. Lokun er áætluð frá kl. 17:00 - 23:00 eða á meðan vinna stendur yfir. Á heimasíðu www.no.is má sjá góð ráð við hitaveiturofi.

Kjörskrár í Fjallabyggð vegna Alþingiskosninga þann 25. september 2021 munu liggja frammi frá 13. september nk. til sýnis í Ráðhúsi Fjallabyggðar, Gránugötu 24, Siglufirði og bókasafninu á Ólafsvegi 4, Ólafsfirði, á auglýstum opnunartíma skrifstofu virka daga fram til 25. september. [Meira...]

Miðvikudaginn 15. september 2021 gengst Fjallabyggð fyrir opnum íbúafundi í Ráðhúsi Fjallabyggðar, 2. hæð kl. 16:30. Á fundinum verða kynnt drög að hönnun miðbæjar Siglufjarðar byggð á deiliskipulagi sem samþykkt var af bæjarstjórn Fjallabyggðar þann 13. september 2017 [Meira...]

Í tlefni góða veðursins ætlum við að syngja fullum hálsi á Rauðku, Siglufirði, föstudaginn 10. september kl. 17:00 Söngtextar koma upp á tjaldið svo allir geta sungið með. Hljómsveitin Singalonghópurinn heldur uppi söngstuðinu. Rútuferð frá Ólafsfirði kl. 16:15 og aftur til baka kl. 18:45

Nýhafið er skólaárið 2021-2022 í Grunnskóla Fjallabyggðar. Áfram verður nemendum í 1.-4. bekk gefinn kostur á frístundarstarfi strax að loknum skólatíma kl. 13.35 - 14.35. Starfið er fjölbreytt og í samstarfi við íþróttafélög, danskennara, grunnskólann og tónlistarskólann. Nemendur eru skráðir í frístundarstarfið hálfan vetur í einu. Í undanteknum tilvikum, ef gild ástæða er til, er hægt að endurskoða skráningu 25.-27. hvers mánaðar og tæki breytingin þá gildi um næstu mánaðarmót á eftir.