Fréttir

Bæjarstjórn Fjallabyggðar 207. fundur bæjarstjórnar Fjallabyggðar verður haldinn í Tjarnarborg Ólafsfirði, 1. desember 2021 kl. 17.00

Listasýning nemenda 1. - 7 bekkjar Grunnskóla Fjallabyggðar verður opnuð í Ráðhúsi Fjallabyggðar, II hæð, fyrsta sunnudag í aðventu 28. nóvember frá kl. 13:00-16:00 Listasýningin er afrakstur sköpunarsmiðju sem fram fór á Barnamenningardögum dagana 16. - 19. nóvember fyrir nemendur í 1. – 7. bekk grunnskólans. Sköpunarsmiðjurnar fór fram undir leiðsögn Hólmfríðar Vídalín Arngrímsdóttur (Hófý) og Guðrúnar Þórisdóttur (Garún). Í smiðjunum vann Hófý með nemendum við að skapa kynjaskepnur himins og hafs úr leir og hjá Garúnu unnu nemendur með það efni sem sjórinn ber að landi, grjót, skeljar, þang og spýtur. Börnin fengu fullt frelsi til að skapa og láta hugmyndaflugið ráða för og úr urðu stórfenglegir skúlptúrar.

Dýralæknir verður í Fjallabyggð sem hér segir:

Hinn árlegi jólamarkaður í Tjarnarborg verður laugardaginn 27. nóvember frá kl. 13:00-16:00 Gætt verður að öllum sóttvarnarregluum - langt bil á milli borða - grímuskylda - sprittþvottur við inngang og gætt að fjöldatakmörkunum. Þeir sem hafa hug á því að fá borð ea panta jólahús vinsamlegast hafið samband við Ástu í síma 853 8020 eða á netfangið tjarnarborg@fjallabyggd.is

Vegna samkomutakmarkanna verður ekki hefðbundinn viðburður í kringum tendrun ljósa jólatrésins, fyrstu helgi í aðventu, laugardaginn 27. og sunnudaginn 28. nóvember. Þess í stað munu yngri börn leik- og grunnskóla gera sér ferð að jólatrjánum í desember og m.a. hengja á þau jólaskraut, syngja og jólasveinarnir koma í heimsókn með glaðning í poka. Við minnum á rafrænt aðventudagatal á heimasíðu Fjallabyggðar og hvetjum alla sem ætla að bjóða upp á dagskrá/viðburð á aðventu, að skrá viðburðinn sinn þangað inn. Þannig geta bæjarbúar auðveldlega fylgst með öllu því sem um verður að vera í Jólabænum Fjallabyggð á aðventu. Við hvetjum íbúa til að nýta opnunartíma verslana og þjónustuaðila til að dreifa álaginu. Virðum tveggja metra fjarlægðarmörkin og notum andlitsgrímur.

Barnamenningardagar Fjallabyggðar fóru fram í nýliðinni viku dagana 16. – 19. nóvember og tókust þeir afskaplega vel. Dagskrá hátíðarinnar var fjölbreytt þar sem í boði voru meðal annars sköpunarsmiðjur/listsmiðjur, tónlist, fræðsla, ljóðlist, skapandi dans, fjöllistir og fleira fyrir börn og ungmenni í Fjallabyggð.

Dagurinn er til að minnast þeirra sem látist hafa í umferðinni, leiða hugann að ábyrgð hvers og eins í umferðinni en ekki hvað síst að þakka þeim viðbragðsaðilum sem veita hjálp og björgun.

Stýrihópur um Heilsueflandi samfélag hefur ákveðið að fresta þeim þremur námskeiðstímum sem eftir eru af opnu dansnámskeið í Tjarnarborg fram í janúar 2022. Námskeiðið verður því sett í gang að nýju sunnudagskvöldin 9. 16. og 23. janúar 2022.

Bæjarstjórn Fjallabyggðar samþykkti 10. nóvember 2021 að auglýsa tillögu að deiliskipulagi Gránugötu 5 og 13 skv. 1. mgr. 41. gr. skipulagslaga nr. 123/2010. Skipulagssvæðið afmarkast af lóðamörkum Gránugötu 5, landnr. 142401, og Gránugötu 13, landnr. 142405.

Framkvæmdasjóður ferðamannastaða auglýsir eftir umsóknum um styrki fyrir árið 2022. Opnað verður fyrir umsóknir mánudaginn15. nóvember og er umsóknarfrestur til kl. 13 þriðjudaginn 7. desember. Auglýst er að nýju vegna formgalla við birtingu auglýsingar sem birtist 24. september sl. en umsóknir sem bárust skv. þeirri auglýsingu halda gildi sínu og ekki þörf á að senda þær aftur inn. Framkvæmdasjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.