Fréttir

Stýrihópur um heilsueflandi samfélag, Skíðafélag Ólafsfjarðar og Skíðafélag Siglufjarðar Skíðaborg, standa sameiginlega fyrir námskeiðum í skíðagöngu fyrir íbúa Fjallabyggðar í janúar 2024. Skíðagöngunámskeið verður á Siglufirði mánudaginn 29. janúar nk. Kennt verður þrjá daga, 29. 30. og 31. janúar. Mæting er við Hól kl. 18:00 alla dagana.

Elskar þú sund og vilt styðja við tilnefningu sundlaugamenningar á Íslandi á lista UNESCO yfir óáþreifanlegan menningararf? Þitt framlag kallar ekki á mikla vinnu en gæti orðið til þess að íslensk sundlaugamenning verði samþykkt á yfirlitsskrá UNESCO. Það eina sem þú þarft að gera er að skrifa stutta lýsingu á því hvaða þýðingu sundlaugamenningin og sú hefð að fara í sund hefur fyrir þig. Stuðningsyfirlýsingin mun fylgja umsókn Íslands til UNESCO.

238. fundur bæjarstjórnar Fjallabyggðar, verður haldinn í Tjarnarborg, Aðalgötu 13, Ólafsfirði. Fundurinn hefst kl. 17 þann 25. janúar 2024.

Á fundi sínum, 12. október sl. samþykkti bæjarstjórn Fjallabyggðar tillögu um aukinn stuðning við íslenskukennslu starfsmanna Fjallabyggðar af erlendum uppruna sem eru með lögheimili í Fjallabyggð. Þannig komi stofnanir Fjallabyggðar til móts við námskeiðskostnað og greiði það sem upp á vantar að teknu tilliti til framlaga stéttarfélaga. Fari kennslan fram á dagvinnutíma, skal starfsfólki gert kleift að sækja hana án þess að laun skerðist. Þá eru aðrir vinnuveitendur í sveitarfélaginu hvattir til að auðvelda starfsmönnum sínum af erlendum uppruna að sækja sér íslenskukennslu.

Íbúar fjallabyggðar eru sérstaklega beðnir um að nota EKKI pappapoka undir lífrænan úrgang eins og gert er á höfuðborgarsvæðinu. Íbúar Fjallabyggðar hafa staðið í þeirri trú að nota skuli pappapoka undir lífrænt efni en líklega hefur þessi misskilningur farið af stað vegna auglýsinga Sorpu sem hirðir úrgang m.a. á höfuðborgarsvæðinu.

Jarðgöng – og hvað svo? Morgunfundur Vegagerðarinnar um rekstur og viðhald í jarðgöngum

Fjallabyggðarhafnir óskar eftir tilboðum í verkið "Siglufjörður - Innri höfn, steypt þekja og lagnir 2024". Allar nánari upplýsingar um verkið og útboðsgöng er að finna hér fyrir neðan.

Fjallabyggð auglýsir eftirfarandi lóðir lausar til úthlutunar að nýju: Eyrarflöt 11-13 (landnúmer 237088), parhúsalóð – 2 íbúðir. Eyrarflöt 22-28 (landnúmer 226887), raðhúsalóð – 4 íbúðir.

Athöfn, þar sem besta og efnilegasta íþróttafólk Fjallabyggðar var verðlaunað fyrir frammistöðu sína á sl. ári, fór fram í Tjarnarborg í gærkvöldi að viðstöddu fjölmenni. Líkt og í rúman áratug eru það Kiwanisklúbburinn Skjöldur og Ungmenna- og íþróttasamband Fjallabyggðar sem standa að valinu, í samstarfi við íþróttafélög innan UÍF, sem og að athöfninni sjálfri.

Flugeldasýning Kiwanisklúbbsins Skjaldar í samvinnu við Björgunarsveitina Stráka á Siglufirði verður á hafnarsvæðinu þann 6. janúar nk. kl. 18:00. Þrettándabrenna, blysför og grímuball sem halda átti á sama tíma fellur niður af óviðráðanlegum orsökum.