Sóknaráætlun samþykkt á aukaþingi SSNE

Þann 7. janúar sl. var haldið rafrænt aukaþing SSNE þar sem ný Sóknaráætlun Norðurlands eystra var samþykkt. Ný Sóknaráætlun tekur gildi strax og gildir til loka árs 2029, en áætlunin er stefnumótandi og í henni hafa heimamenn sameinast um framtíðarsýn, markmið og verkefni.

Vinnan við nýja Sóknaráætlun hófst í desember 2023 og hafa á þessu ári sem áætlunin var í vinnslu yfir 400 manns komið að gerð hennar, en aðkoma ólíkra hópa tryggir okkur enn betri vinnu.

Árlega koma um 150 milljónir í gegnum farveg Sóknaráætlunnar Norðurlands eystra til verkefna á svæðinu. Dæmi um verkefni sem hafa verið styrkt úr Sóknaráætlun eru Fiðringur – hæfileikakeppni unglinga, ungmennaþing SSNE, Líforkuver í Eyjafirði, Gull úr Grasi, samgöngu- og innviðastefna Norðurlands eystra og fjárfestingar á Norðurlandi eystra svo dæmi séu tekin.

Hér má finna Sóknaráætlun Norðurlands eystra 2025-2029