Fréttir

Þess er óskað að ábendingar um breytingar og leiðréttingar á álagningu eða innheimtu berist til sveitarfélagsins fyrir 27. janúar 2025.

Bæjarráð staðfesti á fundi sínum ráðningu á Gísla Davíð Sævarssyni í starf sviðsstjóra skipulags – og framkvæmdasviðs en starfið var auglýst í desember s.l. Þrír umsækjendur voru um starfið en að mati ráðningarskrifstofu uppfyllti Gísli Davíð best þau skilyrði sem sett voru fram í auglýsingunni og mælti hún með ráðningu hans í starfið.

Fréttatilkynning - Strákagöng lokuð tímabundið vegna vinnu. Þær lokanir sem verið hafa í gildi í Strákagöngum framlengjast til þriðjudagsmorguns 21. janúar 2025.

Þann 7. janúar sl. var haldið rafrænt aukaþing SSNE þar sem ný Sóknaráætlun Norðurlands eystra var samþykkt. Ný Sóknaráætlun tekur gildi strax og gildir til loka árs 2029, en áætlunin er stefnumótandi og í henni hafa heimamenn sameinast um framtíðarsýn, markmið og verkefni.

Upptaktinum er lögð áhersla á að hvetja börn og ungmenni til að semja tónlist og styðja þau til fullvinnslu hugmyndar. Ungmennin sem komast áfram fá tækifæri til að kynnast fjölbreyttum störfum tónlistarfólks. Ungmennin fá að vinna við hlið og undir leiðsögn reynds tónlistarfólks að útsetningum og flutningi á eigin hugverki.

Vegna veðurs og aðstæðna á götum úti gæti sorphirða riðlast til þessa vikuna.

Leikskóli Fjallabyggðar starfar í tveimur byggðarkjörnum, í Ólafsfirði og á Siglufirði. Á Leikhólum Ólafsfirði eru 50 nemendur á þremur deildum. Á Leikskálum Siglufirði eru 70-80 nemendur á fimm deildum.

Menntaskólinn á Tröllaskaga stendur fyrir spennandi verkefni sem miðar að því að auka tæknilæsi meðal íbúa Fjallabyggðar sem eru 60 ára og eldri. Verkefnið býður upp á einstaklingsmiðaða kennslu þar sem nemendur við menntaskólann sjá um leiðsögn undir handleiðslu kennara skólans.

Bæjarstjórn Fjallabyggðar samþykkti á fundi sínum þann 30. maí að heimila T.ark arkitektum f.h. Samkaupa hf. og KSK eigna ehf. að vinna að tillögu að breytingu á deiliskipulagi miðbæjar Siglufjarðar með það að markmiði að útbúa nýja lóð fyrir verslunarkjarna sem myndi m.a. hýsa nýja verslun Samkaupa hf. ásamt öðrum verslunum og/eða þjónustu. Tillagan var samþykkt til auglýsingar á fundi bæjarstjórnar 29. október og kynnt á opnum íbúafundi þann 6. nóv. sl. Athugasemdafrestur var frá og með 13. nóvember 2024 til og með 2. janúar 2025.

Starfsmaður óskast í Lengda viðveru við Grunnskóla Fjallabyggðar. Grunnskóli Fjallabyggðar auglýsir eftir starfsmanni í 40% stöðu í Frístund og lengda viðveru.