Fréttir

Fjarðargangan á vegum Skíðafélags Ólafsfjarðar verður haldin í Ólafsfirði laugardaginn 12. febrúar nk.

Bæjarráð samþykkti á fundi sínum í dag 10. febrúar 2022 að sveitarfélagið Fjallabyggð verði stofnaðili að fyrirhugaðrar húsnæðissjálfseignarstofnunar og leggja fram 100.000 kr. stofnfé. Bæjarstjóra er falið að taka þátt í stofnfundi fyrirhugaðrar húsnæðissjálfseignarstofnunar og undirrita stofnskjöl fyrir hönd sveitarfélagsins.

Hilmar Símonarson kraftlyftingamaður var kosinn íþróttamaður Fjallabyggðar fyrir árið 2021.

Sorpirða hófst í gær og var framhaldið í dag á Siglufirði. Það sem ekki hefur verið tekið á Siglufirði er sökum ófærðar í tilteknum götum eða að tunnur hafi verið á kafi. Sorp verður tekið í Ólafsfirði á morgun fimmtudaginn 10. febrúar. Eru íbúar vinsamlegast beðnir um að moka frá ílátum sem eru flest á kafi og tryggja aðgengi að þeim.

Fjarðargangan fer fram á Ólafsfirði komandi helgi dagana 11. - 12. febrúar 2022.

Athöfnin þar sem íþróttamaður Fjallabyggðar verður útnefndur og gerð verður grein fyrir vali á besta og efnilegasta íþróttafólki hverrar greinar verður rafræn í ár og send út á þessari síðu. Athöfnin fer fram í Kiwanissalnum á Siglufirði miðvikudaginn 9. febrúar kl. 20.30. Þar verða einungis viðstaddir þeir sem tilnefndir eru í einstökum íþróttagreinum ásamt boðsgestum og þeim sem koma að framkvæmd athafnarinnar.

Vegna veðurs og snjóa hefur sorphirða farið úr skorðum þessa vikuna. Losun hefst um leið og veður gengur niður og hreinsun gatna er lokið. Eru íbúar vinsamlegast beðnir um að moka frá ílátum sem eru flest á kafi og tryggja aðgengi að þeim.

Tónlistarveisla til styrktar Björgunarsveitinni Stráka á Siglufirði í tilefni af 112 deginum. Fram koma tónlistarmenn frá Fjallabyggð. Allur ágóði af tónleikunum rennur að þessu sinni til styrktar kaupum á fullkomnum leitar- og björgunardróna

Bæjarstjórn Fjallabyggðar 210. fundur bæjarstjórnar Fjallabyggðar verður haldinn í fjarfundi miðvikudaginn 9. febrúar 2022 kl. 17.00.

Búið er að opna sundlaugina og heitu pottana í Ólafsfirði og verður opið skv. áætlun til kl. 19:00 í dag. Í hádeginu var einungis hægt að opna ræktina í Ólafsfirði en nú er búið að opna bæði sundlaug og heitu pottana. Erfiðlega gekk að taka dúk af sundlauginni vegna vinds og snjóa og sömuleiðis þurfti að ná upp hita í heitu pottunum.