Fréttir

211. fundur bæjarstjórnar Fjallabyggðar verður haldinn í fjarfundi 9. mars 2022 kl. 17.00 Hægt verður að fylgjast með fundinum, sem fram fer á Teams, í Ráðhúsi Fjallabyggðar 2. hæð fyrir þá sem hafa áhuga.

Opið er fyrir umsóknir um stofnframlög. Umsóknarfrestur rennur út 13. mars 2022. Heimild til úthlutunar stofnframlaga byggir á lögum um almennar íbúðir nr. 52/2016. Lögin voru samþykkt á Alþingi í júní 2016 í kjölfar samkomulags verkalýðshreyfingarinnar og stjórnvalda í tengslum við kjaraviðræður árið 2015. Markmið laganna er að bæta húsnæðisöryggi fjölskyldna og einstaklinga, sem eru undir tekju- og eignamörkum með því að auka aðgengi að öruggu og viðeigandi leiguhúsnæði. Þá er markmið laganna einnig að stuðla að því húsnæðiskostnaður sé í samræmi við greiðslugetu leigjenda og fari að jafnaði ekki umfram fjórðung tekna.

Fjallabyggð auglýsir eftir aðila/aðilum sem kunna að hafa áhuga á að taka að sér rekstur og umsjón með tjaldsvæðum Fjallabyggðar á Siglufirði og í Ólafsfirði árin 2022-2024. Um er að ræða þrjú tjaldsvæði, við íþróttamiðstöðina í Ólafsfirði, í miðbæ Siglufjarðar og sunnan við snjóflóðavarnargarðinn Stóra Bola á Siglufirði.

Því miður tekst ekki að opna Íþróttamiðstöð Fjallabyggðar Siglufirði fyrr en kl. 15 í dag 4. mars vegna óviðráðanlegra aðstæðna. Opið verður frá kl. 15:00 – 19:00 í dag og svo hefðbundin auglýst opnun um helgina.

Því miður verður ekki öskudagsskemmtun í íþróttahúsinu í Ólafsfirði á öskudag eins og hefð er fyrir. Vegna veikinda og ástands í samfélaginu okkar hefur verið tekin ákvörðun um að fresta henni um 2-3 vikur. Ný dagsetning verður tilkynnt mjög fljótlega.

Á árinu 2022 áætlar Norðurorka að skipta öllum hemlum og eldri sölumælum hitaveitu á Ólafsfirði út fyrir snjallmæla.

Umhverfisstofnun hefur auglýst tillögu að starfsleyfi fyrir Hið Norðlenzka Styrjufjelag ehf. Ólafsfirði

Anna Lind Björnsdóttir verkefnisstjóri SSNE , hefur nú fasta viðveru alla mánudaga í Ráðhúsi Fjallabyggðar, Siglufirði.

Vegna vondrar veðurspár verða ferðir skólarútu felldar niður í dag þriðjudaginn 22. febrúar. Kennt er samkvæmt óveðursskipulagi í Grunnskóla Fjallabyggðar og skólinn einungis opninn fyrir yngsta stigið 1. - 4. bekk.

List fyrir alla auglýsir eftir umsóknum um listviðburði eða verkefni á sviði barnamenningar fyrir grunnskólabörn. Sjá auglýsingu hér fyrir neðan. Umsóknarfrestur er til 14. mars 2022. Sjá nánar á www.listfyriralla.is