25.10.2010
Nú stendur yfir grænlensk menningarvika barna- og unglinga í Fjallabyggð. Grænlenskir listamenn koma í heimsókn, sýna grænlenska list og fræða börnin um Grænland, sögu þess og menningu.
Lesa meira
21.10.2010
Nú hefur rekstur Íþróttamiðstöðvanna á Siglufirði og Ólafsfirði verið sameinaður og til orðin íþróttamiðstöð Fjallabyggðar.
Haukur Sigurðsson hefur verið ráðinn forstöðumaður. Starfsemi Íþróttamiðstöðvar Fjallabyggðar mun verða áfram á tveimur stöðum með svipuðu sniði og verið hefur og eru íbúum Fjallabyggðar beint á að hafa samband við Forstöðumann í síma 863-1466 ef málið varðar íþróttamiðstöð Fjallabyggðar.
Lesa meira
21.10.2010
Alþjóðleg athafnavika fer fram 15.-21. nóvember 2010. Tilgangur vikunnar er að sýna fram á gildi athafnasemi fyrir samfélagið í heild sinni, hvetja þjóðina til athafnasemi og senda jákvæð skilaboð út í þjóðfélagið. Árið 2009 voru um 120 viðburðir um allt land, 50 samstarfsaðilar og um 5000 þátttakendur á Íslandi. Allir geta tekið þátt, bæði einstaklingar, stofnanir og fyrirtæki.
Lesa meira
15.10.2010
Múlagöng verða lokuð aðfaranótt þriðjudags, 19. okt (ekki 23. okt eins kom hér áður fram) og næstu þrjár nætur þar á eftir. Frá kl. 24-06. Neyðarakstur fær að fara í gegn.
Lesa meira
14.10.2010
Annað kvöld mun lið Fjallabyggðar keppa í Útsvari við lið Árborgar. Í liði Fjallabyggðar þetta árið eru nýliðarnir María Leifsdóttir, Halldór Þormar Halldórsson og Ámundi Gunnarsson.
Fjallabyggð sendir þeim baráttukveðjur. Útsending byrjar kl. 20:10 og er um beina útsendingu að ræða eins og endranær.
Lesa meira
11.10.2010
Nú hefur rekstur áhaldahúsanna á Siglufirði og Ólafsfirði verið sameinaður og til orðin Þjónustumiðstöð Fjallabyggðar (áhaldahús).
Guðni M. Sölvason hefur verið ráðinn verkstjóri.
Lesa meira
04.10.2010
Vil hér fyrir hönd undirbúningsnefndar og bæjarstjórnar, þakka öllum þeim fjölmörgu sem tóku þátt í undirbúningi og viðburðum helgarinnar.
Bæjarfélagið stóð vaktina og gestir samfélagsins urðu ekki fyrir vonbrigðum.
Veðrið var eins og best er á kosið, yndislegt á laugardeginum og ekki var það síðra á sunnudeginum.
Upp úr stendur viðmót bæjarbúa, gleði og ánægja á merkum tímamótum.
Óska bæjarbúum til hamingju með vígsluna og góða helgi.
Kveðja
Sigurður Valur Ásbjarnarson, bæjarstjóri.
Lesa meira
01.10.2010
Veglegt kaffiboð bæjarstjórnar Fjallabyggðar og Vegagerðarinnar í tilefni af vígslu Héðinsfjarðarganga hefst í Íþróttahöllinni í Ólafsfirði kl. 16:00 á morgun laugardaginn 2. október.
Þar verða m.a. flutt tónlistaratriði og allnokkur ávörp gesta.
Búist er við fjölda fólks í kaffiboðið.
Ákveðið hefur verið að sýna barnaefni í Félagsheimilinu Tjarnarborg Ólafsfirði á sama tíma, þ.e. frá kl. 16:00 á morgun, á meðan borðhald stendur yfir í Íþróttahöllinni.
Barnafólk getur því valið um að vera við borðhaldið og hlýða á það sem þar fer fram, eða horfa á barnaefni í Tjarnarborg með léttar veitingar við hæfi barna.
Skipulagsnefndin.
Lesa meira
29.09.2010
Vetraráætlunin tekur mið af skóladagtali og skipulagi frístundastarfs.
Á starfstíma skóla er gert ráð fyrir 10-14 ferðum á dag mánudaga-föstudaga. (Fram og til baka milli byggðakjarna eru tvær ferðir)
Breytt 3. janúar 2011:
Lesa meira
29.09.2010
Vegna vinnu við vatnsveituna á Siglufirði, sunnudaginn 3. október, má búast við rennslistruflunum og vatnsleysi efst í bænum á sunnudagsmorguninn og eitthvað fram eftir degi.
Notendur eru beðnir velvirðingar á þessum óþægindum.
Bæjartæknifræðingur.
Lesa meira
