Fréttir

Nýr skóli tekur til starfa í Fjallabyggð 1. ágúst n.k. Skólinn tekur við af Grunnskóla Ólafsfjarðar og Grunnskóla Siglufjarðar. Skólinn verður heildstæður grunnskóli með um 270 nemendur.  Á næsta skólaári verður 1.-6.bekk kennt í Ólafsfirði en 1.-10.bekk kennt á Siglufirði.  Frá haustinu 2012 fer kennsla yngri deildar  (1. – 6. bekkur),  fram í Ólafsfirði en eldri deildar   (7.-10.bekkur)  á Siglufirði.

Kynningarfundur á tillögu að nýju aðalskipulagi Fjallabyggðar verður haldinn í Tjarnarborg mánudaginn 26. apríl kl: 20.00.  

Miðvikudaginn 14. apríl rann út frestur til að sækja um stöðu bæjarverkstjóra í þjónustumiðstöð Fjallabyggðar. Gert er ráð fyrir að ráðið verði í stöðuna frá 1. júní.

Á heimasíðu Skíðafélags Ólafsfjarðar er sagt frá 6 keppendum félagsins sem eru að keppa um helgina í Tarnaby í Svíþjóð. Þar segir jafnframt frá því að hægt sé að fylgjast nánast með í beinni útsendingu. Vefmyndavél á svæðinu er það vel staðsett og í góðum gæðum að hægt er að sjá brautina sem keppt er í. Nánar á heimasíðu Skíðafélags Ólafsfjarðar.

Bergþór Morthens var útnefndur bæjarlistamaður Fjallabyggðar 2010 þann 15. apríl sl. við hátíðlega athöfn í Ráðhúsinu á Siglufirði. Fjallabyggð óskar Bergþóri til hamingju með nafnbótina.

Nýjasta útgáfa af tillögu að nýju aðalskipulagi Fjallabyggðar 2008-2028 hefur nú verið gerð opinber á vef sveitarfélagsins.

Menningarnefnd hefur útnefnt Bergþór Morthens myndlistarmann, bæjarlistamann Fjallabyggðar 2010. Bergþór er sá fyrsti sem ber titilinn í Fjallabyggð og mun hann taka við viðurkenningu við hátíðlega athöfn í Ráðhúsinu á Siglufirði, fimmtudaginn 15. apríl nk. kl. 17.00.  Þá mun Bergþór formlega opna heimasíðu Listasafns Fjallabyggðar. Allir velkomnir. Menningarnefnd og menningarfulltrúi

Kynningarfundur um tillögu að breytingu á staðfestu aðalskipulagi Siglufjarðar 2003-2023, svæði við Túngötu, og tillögu að nýju aðalskipulagi Fjallabyggðar verður haldinn í Allanum fimmtudaginn 15. apríl kl. 20.00.