Fréttir

Í sumar setti Svavar B. Magnússon byggingameistari í Ólafsfirði upp ljósmyndasýningu utandyra á Tjarnarborgartorginu. Um er að ræða 45 ljósmyndir af náttúruhamförunum þann 28. ágúst 1988 og fréttaskýringar úr dagblöðum frá þessum tíma.

Ákveðið hefur verið að breyta helgaropnun íþróttamiðstöðvarinnar í Ólafsfirði fyrri hluta vetrar.

Byggja á nýtt 90 m2 tæknirými, tvær hringlaga setlaugar, lendingarlaug fyrir vatnsrennibraut og sporöskjulagaða laug við núverandi vaðlaug, auk tilheyrandi lagnavinnu og frágangs svæðisins.

Næsti umsóknarfrestur í Æskulýðssjóð er 1. september 2009.

Allt skólastarf í landinu getur hafist með eðlilegum hætti næstu daga og vikur þrátt fyrir heimsfaraldur inflúensunnar A(H1N1)v.

Menningarráð Eyþings auglýsir til umsóknar verkefnastyrki til menningarstarfs á Norðausturlandi

Af gefnu tilefni vill Fjallabyggð benda á að akstur utan vega er ólöglegur sbr. reglugerð nr. 528/2005 um takmarkanir á umferð í náttúru Íslands.  Undantekning frá þessu er akstur „á jöklum svo og snævi þakinni og frosinni jörð svo fremi að ekki skapist hætta á náttúruspjöllum“. Akstur óskráðra torfærutækja utan viðurkenndra akstursíþróttabrauta er að sama skapi ólöglegur.

Nemendur framhaldsdeilda VMA í Ólafsfirði og Siglufirði mættu í skólann í fyrsta sinn í dag. Bergþór Morthens framhaldsskólakennari tók á móti nemendum á Siglufirði og Margrét Lóa Jónsdóttir framhaldsskólakennari tók á móti nemendum í Ólafsfirði.

Frá og með 1. september 2009 verður skrifstofan í Ólafsfirði opin frá kl. 9:00 til kl. 13:00 alla daga, en þó til kl. 15.:00 á þriðjudögum, en þá er sýslumaður til viðtals, að forfallalausu.