Fréttir

Sundhöll Siglufjarðar verður lokuð vegna viðhalds dagana 28. 29. og 30. júní nk. Tæknideild Fjallabyggðar

Í svæðisútvarpi RÚV í dag verður viðtal við Gísla Rúnar Gylfason, formann Jassklúbbs Ólafsfjarðar og Kormák Bragason, einn stofnenda klúbbsins vegna Blúshátíðarinnar sem haldin verður í Ólafsfirði um helgina. Kormákur mun einnig spila lag eða tvö í útsendingunni. Áhugi fjölmiðla á hátíðinni hefur farið vaxandi undanfarna daga, enda er hér um skemmtilegan og merkilegan viðburð að ræða.

Ráðin hefur verið ljósmyndari til að taka myndir af viðburðum sumarsins auk mynda af umhverfi og mannlífi Fjallabyggðar. Eins og margir vita hefur okkur vantað myndir til að nýta í auglýsingar, tímarit og á heimsíðu.

Bæjarstjórn Fjallabyggðar samþykkti á fundi sínum 10. júní 2008 að auglýsa tillögu að breytingu á Aðalskipulagi Ólafsfjarðar 1990-2010 ásamt umhverfisskýrslu og auglýsist hún hér með.  Tillagan er auglýst með vísan til 1. mgr. 21. gr. skipulags- og byggingarlaga nr. 73/1997 m.s.br. Hægt er að skoða auglýsingu, skýrslu og teikningar  varðandi breytingarnar hér.