Skipulags- og umhverfisnefnd Fjallabyggðar

Lögð fram skipulagslýsing vegna breytingar á Aðalskipulagi Fjallabyggðar 2008-2028 við Kleifar í Ólafsfirði. Um er að ræða breytingu á landnotkun og skilmálum um hverfisvernd fyrir byggðina á Kleifum í Ólafsfirði. Í lýsingu koma fram upplýsingar um forsendur, stefnu og fyrirhugað skipulagsferli.

Lögð fram umsókn Gbess ehf., dagsett 9. febrúar 2018. Sótt er um leyfi til að byggja 1160fm iðnaðar- og verslunarhúsnæði ásamt íbúðum á efri hæð hússins, á lóðinni Gránugötu 12 sem fyrirtækið fékk úthlutað í september sl.

Lögð fram fyrirspurn f.h. Björgunarsveitarinnar Stráka, dagsett 5. febrúar 2018. Óskað er eftir afstöðu nefndarinnar um að stækka báta- og tækjageymslu björgunarsveitarinnar að Tjarnargötu 18 skv. meðfylgjandi teikningu.

Lögð fram umsókn Sunnu ehf. dagsett 6. febrúar 2018. Óskað er eftir stækkun lóðarinnar Tjarnargötu 18-20 til suðurs, sem nemur lóðinni Vetrarbraut 6.

Lögð fram uppfærð samþykkt um búfjárhald í Fjallabyggð þar sem vísað er í ný lög um búfjárhald nr. 38/2013 sem leystu af hólmi eldri lög nr. 103/2002, ásamt öðrum lagfæringum sem gera samþykktina markvissari og skýrari.

Lögð fram umsókn Helga Sigurðar Þórðarsonar dagsett 17. janúar 2018. Óskað er eftir leyfi til að halda 16 hesta í hesthúsi að Brimvöllum í Ólafsfirði.

Svæðisskipulagsnefnd Eyjafjarðar hefur unnið skipulagslýsingu vegna fyrirhugaðrar breytingar á svæðisskipulaginu vegna flutningslína raforku, Blöndulínu 3 og Hólasandslínu 3, sbr. 1. mgr. 23. gr. skipulagslaga nr. 123/2010. Í lýsingunni er gerð grein fyrir helstu forsendum, fyrirliggjandi stefnu, umfangi og áherslum umhverfismats áætlunarinnar og hvernig samráði og kynningu verður háttað. Svæðisskipulagsnefnd leggur lýsinguna fram til samþykktar sveitarstjórna allra sveitarfélaga á skipulagssvæðinu. Lýsingin verður síðan send umsagnaraðilum og kynnt almenningi og öðrum sem hagsmuna eiga að gæta.

Lögð fram vinnslutillaga að breytingu á Aðalskipulagi Skagafjarðar 2009-2021.

Í vinnslutillögu felst (A) kynning á valkostum fyrir legu Blöndulínu 3 (raflína), (B) færsla á legu Sauðárkrókslínu, (C) áframhaldandi frestun á skipulagi fyrir virkjanakosti í Skagafirði, (D) urðunarsvæði við Brimnes er fellt út, (E) nýtt tengivirki og lega jarðstrengs á Sauðárkróki og (F) ný efnistökusvæði vegna framkvæmda.

Í vinnslutillögu er gerð grein fyrir forsendum breytinga, útfærslu og umhverfisáhrifum skv. lögum nr. 105/2006.

Tekið fyrir erindi íbúa, dagsett 6. febrúar 2018, þar sem óskað er eftir að settur verði upp spegill á horni Norðurgötu/Aðalgötu til viðbótar við stöðvunarskyldu sem nýverið var sett upp.

Lagt fram erindi Rúnars Marteinssonar dagsett 10. febrúar 2018. Óskað er eftir leyfi til að klæða húsið við Gránugötu 13b bárustáli og loka fyrir alla glugga nema á vesturhlið hússins.