Bæjarráð Fjallabyggðar

Stjórn Sambands íslenskra sveitarfélaga hefur ákveðið að landsþing sambandsins verði haldið föstudaginn 15. mars 2013, á Grand hóteli í Reykjavík. Lögð fram drög að dagskrá.

Kjörbréf Fjallabyggðar hafa verið gefin út.

Í bréfi Eftirlitsnefndar með fjármálum sveitarfélaga dagsett 21. janúar 2013, er ekki talin ástæða til að óska eftir frekari upplýsingum frá Fjallabyggð er varðar fjárhag eða áætlunargerð, enda hafi bæjarfélagið náð sínum markmiðum í lok árs 2012. Vísað er í 1. tl. 2. mgr. 64. greinar sveitarstjórnarlaga nr.138/2011.

Í erindi slökkviliðsstjóra Fjallabyggðar frá 4. febrúar 2012, eru lagðar fram hugmyndir um að bæta búnað til brunavarna í Fjallabyggð.

Bæjarráð tekur vel í erindið og leggur til við bæjarstjórn að á næsta fjárhagsári verði framlag til slökkviliðsins aukið og búnaður endurbættur í samræmi við ábendingar.

Borist hefur bréf frá Innanríkisráðuneyti er varðar erindi frá Fjallabyggð dags. 17. október 2012, er varðar sameiningu stofnana sem sinna grunnskólakennslu í Fjallabyggð.

Erindið var tekið fyrir á tveimur fundum ráðgjafanefndar Jöfnunarsjóðs sveitarfélaga og því hafnað, þar sem það var ekki talið falla að heimildum í f. lið 7. gr. sbr. 11. gr. reglugerðar nr. 960/2010.

Lagt fram til kynningar.

Tekið til umræðu erindi frá Brussel-skrifstofu Sambands íslenskra sveitarfélaga.
Boðið er upp á námskeið í Brussel með það markmið að kynna byggðastefnu ESB og aðkomu sveitarstjórnarstigsins að henni.
Evrópusambandið ber allan kostnað af þátttöku.

Bæjarstjóri mun fara í þá ferð á vegum Eyþings.

Skrifstofu- og fjármálastjóri hefur óskað eftir leyfi til fararinnar.

Fyrirhuguð er önnur ferð í byrjun apríl þar sem áherslan verður á félagsmálastefnu ESB.

Bæjarráð lítur á það með velvilja ef embættismenn og bæjarfulltrúar sýni áhuga á að nýta sér þetta tækifæri, enda sveitarfélaginu að kostnaðarlausu.

Lögð fram sérstök samþykkt um byggingarnefnd í Fjallabyggð og að skipulags- og umhverfisnefnd Fjallabyggðar fari með verkefni byggingarnefndar.
Bæjarráð samþykkir framkomna tillögu og vísar til afgreiðslu í bæjarstjórn.

Á fund bæjarráðs komu verkstjóri þjónustumiðstöðvar og deildarstjóri tæknideildar til að fara yfir verklag og verkstakasamninga vegna snjómoksturs fyrir Fjallabyggð.
Afstaða til framlengingar samnings eða útboðs, verður tekin til afgreiðslu á næsta fundi bæjarráðs.

Á fund bæjarráðs komu umhverfisfulltrúi og deildarstjóri tæknideildar til að fara yfir verklag og verktakasamninga vegna sorphirðu fyrir Fjallabyggð.
Afstaða til framlengingar samnings eða útboðs, verður tekin til afgreiðslu á næsta fundi bæjarráðs.

Lögð fram styrkbeiðni vegna reksturs Aflsins samtökum gegn kynferðis- og heimilisofbeldi á Norðurlandi.

Bæjarráð samþykkir sömu upphæð og áður eða kr. 40.000.-.

Lagt fram til kynningar.

Bæjarráð samþykkir og felur bæjarstjóra umboð Fjallabyggðar á aðalfundi Lánasjóðs sveitarfélaga ohf. 15. mars 2013.

Lögð fram til kynningar

Staðgreiðsluuppgjör fyrir árið 2012 lagt fram til kynningar.
Uppgjörið staðfestir auknar tekjur Fjallabyggðar.

Lagt fram afrit af bréfi frá stjórn Smábátafélagsins Skalla til Atvinnuvega- og nýsköpunarráðherra er varðar reglugerð nr. 106 frá 7. febrúar 2013 um takmörkun veiða.

Bæjarráð Fjallabyggðar gagnrýnir harðlega fram komnar hugmyndir stjórnvalda um tilhögun grásleppuveiða fyrir árið 2013.
Nái þessar tillögur fram að ganga óbreyttar, þá er verið setja í uppnám afkomu fjölmargra útgerða og einstaklinga í Fjallabyggð.

Bæjarráð Fjallabyggðar fer fram á það við atvinnu- og nýsköpunarráðherra að draga verulega úr skerðingaráformum vegna grásleppuveiða fyrir árið 2013.