Bæjarráð Fjallabyggðar

Með fundarboði bæjarráðs fylgdi minnisblað deildarstjóra fræðslu-, frístunda- og menningarmála og menningarfulltrúa um útilistaverkið Flæði. Einnig fylgdi skýrsla um ástandsskoðun verksins sem unnin var með tilliti til ástands, endurbóta og færslu listaverksins. Skýrslan var unnin af verkfræðistofunni Eflu. Fyrir liggur að fjarlægja þarf verkið og taka ákvörðun um framtíð þess.
Til fundarins mætti menningarfulltrúi Fjallabyggðar og fór yfir málavexti.

Með fundarboði bæjarráðs fylgdi samantekt Verkvals ehf. vegna vinnu í Fjallabyggð í kjölfar mikils vatnsveðurs þann 23.08.2024.

Á 43. fundi skólanefndar Tónlistarskólans á Tröllaskaga, haldinn 3. október 2024, vísaði nefndin tillögu að gjaldskrá skólans 2025 til bæjarráðs Fjallabyggðar og byggðarráðs Dalvíkurbyggðar.

Með fundarboði bæjarráðs fylgdi yfirlit launakostnaðar og kostnaðar vegna langtímaveikinda fyrir janúar-september 2024, lagt fram til kynningar. Áfallinn launakostnaður er 97,97% af tímabilsáætlun.

Með fundarboði bæjarráðs fylgdi yfirlit staðgreiðslu fyrir september 2024. Staðgreiðsla fyrir tímabilið nemur 100,46% af tímabilsáætlun 2024. Staðgreiðsla ársins nemur 97,34% af áætlun ársins. Íbúum bæjarfélagsins hefur fjölgað um 4 á árinu.

Með fundarboði bæjarráðs fylgdi svar Birgis T. Péturssonar, f.h. Selvíkur ehf. í tengslum við svarbréf Fjallabyggðar við áskorun Selvíkur á hendur sveitarfélaginu um efndir skv. fimm liða samkomulagi.

Árlegur alþjóðlegur minningardagur Sameinuðu þjóðanna um fórnarlömb umferðarslysa verður haldinn sunnudaginn 17. nóvember 2024. Dagurinn er haldinn þriðja sunnudag í nóvember ár hvert og tileinkaður minningu þeirra sem hafa látist í umferðarslysum. Að þessu sinni verður kastljósi dagsins beint að hættunni sem getur skapast á að sofna eða dotta undir stýri vegna þreytu ökumanna.

Jafnvægisvogin, hreyfiaflsverkefni Félags kvenna í atvinnulífinu (FKA), hélt þann 10. október sína árlegu viðurkenningarathöfn. Í ár er metfjöldi viðurkenningarhafa, alls 130 aðilar en það eru þeir þátttakendur sem hafa náð að jafna kynjahlutfall í framkvæmdastjórnum. Fjallabyggð er eitt af fimmtán sveitarfélögum sem hlotið hafa virðurkenningu í ár.

Með fundarboði bæjarráðs fylgdi erindi Velferðarsjóðs Eyjafjarðar þar sem þess er óskað að fá að kynna starf Velferðarsjóðsins sameiginlega fyrir sveitarfélögunum við Eyjafjörð og ræða stuttlega aðkomu þeirra að sjóðnum og heyra sjónarmið þeirra varðandi þessa þjónustu sem og sameiginleg markmið okkar.

Fimmtudaginn 7. nóvember frá kl 10-12 verður boðið upp á fræðslu um blágrænar ofanvatnslausnir á vegum LOFTUM.

Leiðbeinandi er Halldóra Hreggviðsdóttir, skipulagsráðgjafi hjá Alta.

Markhópur: Fræðslan er ætluð starfsfólki sveitarfélaga og kjörnum fulltrúum á Norðurlandi eystra sem hafa með veitur, hafnir, slökkvilið, skipulagsmál og umhverfismál að gera.

Rannsóknaráðstefna Vegagerðarinnar 2024 verður haldin föstudaginn 1. nóvember á Hilton Reykjavík Nordica, Suðurlandsbraut, kl. 09.00-16.30. Dagskráin endurspeglar það margháttaða rannsókna- og þróunarstarf sem styrkt er af rannsóknasjóði Vegagerðarinnar. Á ráðstefnunni í ár verður mest fjallað um rannsóknir sem fengu fjárveitingar úr rannsóknasjóði Vegagerðarinnar árið 2023.

Með fundarboði bæjarráðs fylgdi vinnuskjal verkefnahóps um framtíðaruppbyggingu skíðasvæðisins í Skarðsdal frá 4. október 2024.

Fundargerðir 42. og 43. fundar stjórnar Tónlistarskólans á Tröllaskaga, ásamt fundargerð 30. fundar stýrihóps um heilsueflandi samfélag lagðar fram til kynningar.