Fréttir

Ert þú með hugmynd að verkefni? Dagana 25. -28. október nk. ferðast ráðgjafar Uppbyggingarsjóðs Norðurlands eystra um landshlutann og bjóða upp á viðtalstíma og persónulega ráðgjöf.

Aðalfundur Karlakórsins í Fjallabyggð verður haldinn kl. 18:00, laugardaginn 5. nóvember í húsnæði Hannes Boy (bláa húsið) á Siglufirði.

Dagan 27. - 30. október verður listasmiðjan Skafl haldin í Alþýðuhúsinu á Siglufirði í fjórða sinn með þátttöku listamanna með ólíkan bakgrunn í listum. Fólk kemur saman víða að og vinnur í frjálsu flæði og þvert á listgreinar í nokkra daga. Smiðjan er hugsuð sem tilraunasmiðja og verða því ekki endilega til fullmótuð verk eða hugmyndir á vinnutímanum. Mikilvægast er samtalið og samvera listamannana og samskipti við bæjarbúa. Auk Alþýðuhússins munu þátttakendur vinna í Herhúsinu og í Ráðhússal Siglufjarðar og verður afrakstur smiðjunnar sýndur í Ráðhússalnum og með uppákomu í Alþýðuhúsinu.

Fjallabyggð barst sú frábæra ábending að víxla karla- og kvennaklefum í íþróttamiðstöðinni í Ólafsfirði svo ekki þurfi að loka kvennaklefum vegna framkvæmda sem fyrirhugaðar eru föstudaginn 21. október og mánudaginn 24. október. Kvennaklefinn verður sem sagt þessa tvo daga karlamegin í húsinu. Fjallabyggð þakkar góða ábendingu um lausn.

Lokað verður fyrir kalt vatn frá kl. 20:00 í kvöld, miðvikudaginn 19. október á allri eyrinni á Siglufirði. Lokunin mun standa fram eftir nóttu. Beðist er velvirðingar á þeim óþægindum sem lokunin mun valda.

Síðast liðið mánudagskvöldið, 17. október, varð langþráður draumur að veruleika. Framtíðarhúsnæði félagsmiðstöðvarinnar Neons var opnað.

Vegna framkvæmda verða kvennaklefar í íþróttahúsinu í Ólafsfirði lokaðir föstudaginn 21. október og mánudaginn 24. október frá kl. 08:00-17:00. Klefarnir verða opnir laugardaginn 22. og sunnudaginn 23. október.

Opnað hefur verið fyrir umsóknir um GRÆNA STYRKI Markmið grænna styrkja er að styðja við aðila sem vinna að umhverfisverkefnum í Fjallabyggð. Einstaklingar og félög sem eiga lögheimili í Fjallabyggð geta fengið úthlutaðan Grænum styrk Fjallabyggðar. Tilgreind félög þurfa að vera með starfsemi sína í sveitarfélaginu. Áskilið er að umsækjandi hafi átt lögheimili í sveitarfélaginu í minnst 12 mánuði samfleytt á móttökudegi umsóknar og að lögheimilisfestan sé einnig til staðar og hafi verið óslitin þegar kemur að útgreiðslu umhverfisstyrks.

Í dag, 12. október 2022, hlaut Fjallabyggð viðurkenningu Jafnvægisvogarinnar. Sigríður Ingvarsdóttir bæjarstjóri tók við viðurkenningunni við hátíðlega athöfn á ráðstefnu Jafnvægisvogarinnar og viðurkenningarathöfn.

Á Bleika deginum eru landsmenn hvattir til að bera bleiku slaufuna, klæðast bleiku og lýsa skammdegið upp í bleikum ljóma svo allar konur sem greinst hafa með krabbamein finni stuðning okkar og samstöðu. Bleika slaufan er árlegt átaksverkefni Krabbameins­félagsins tileinkað baráttunni gegn krabbameinum hjá konum.