Fréttir

Í morgunsárið 02.01 var brotist inn á ytra kerfi sem við tengjumst til að senda ýtiboð, e. push notifications. Þetta snýr að þvi að send var tilkynning (push notification) í nafni Sportabler á 30.367 Android notendur. Ekki var sent á iPhone (iOS) notendur, og fengu þeir því ekki skilaboðin.

Frístundastyrkur Fjallabyggðar til barna á aldrinum 4 – 18 ára, að báðum árum meðtöldum, hækkaði um 5000 kr eða í 45.000 kr þann 1. janúar 2023. Barnið fær frístundastyrk frá 1. janúar árið sem það er 4ja ára og til loka ársins sem það verður 18 ára. Frístundastyrknum er úthlutað gegnum kerfi sem heitir Sportabler.

Opinn samráðsfundur verður haldinn í Tjarnarborg fimmtudaginn 5. janúar kl. 17:00 um úthlutun byggðakvóta á fiskveiðiárinu 2022-2023.

Ný Brunavarnaáætlun Slökkviliðs Fjallabyggðar hefur verið samþykkt í bæjarstjórn sveitarfélagsins annars vegar og hjá Húsnæðis- og mannvirkjastofnun hins vegar og öðlast hún þegar gildi. Markmið brunavarnaáætlunar er að tryggja að slökkvilið sé þannig mannað, skipulagt, útbúið tækjum, menntað og þjálfað að það ráði við þær áhættur sem eru til staðar í sveitarfélaginu.

Hilmar Símonarson kraftlyftingamaður var kosinn íþróttamaður Fjallabyggðar árið 2022.

Val á íþróttamanni ársins 2022 í Fjallabyggð fer fram í dag miðvikudaginn 28. desember kl: 2000 í Tjarnarborg. Hátíðin er samstarfsverkefni UÍF og Kiwanisklúbbsins Skjaldar.

Bæjarstjórn Fjallabyggðar 224. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði 28. desember 2022 kl. 12.00

Bæjarfélaginu er gefinn frestur til 13. janúar nk. að senda ráðuneytinu tillögur um sérreglur. Á fundi bæjarráðs sem haldinn var 20. desember sl. fól bæjarráð bæjarstjóra að boða hagsmunaaðila til opins samráðsfundar, þar sem aðilum verður gefinn kostur á að koma skoðunum sínum á framfæri. Ráðgert er að halda fundinn í Tjarnarborg fimmtudaginn 5. janúar kl. 17:00.

Sigríður bæjarstjóri leit við í morgunkaffi hjá starfsmönnum Fjallabyggðarhafna í morgun og fór meðal annars yfir stöðu mála þar. Við það tækifæri tók hún þessa ágætu mynd af þeim herramönnum. Starfsmenn hafnarinnar senda sínar allra bestu hátíðarkveðjur um landið og miðin og þakka fyrir ánægjuleg samskipti á árinu sem er að líða með von um að nýja árið verði öllum fengsælt.

Þau leiðu mistök urðu í gær að hér á vefnum birtist frétt um frístundastyrki Fjallabyggðar sem var röng. Fréttin hefur verið tekin niður. Ný frétt og réttar upplýsingar verða birtar milli jóla og nýars. Bendum á að nýjar reglur um Frístundastyrki Fjallabyggðar 2023 eru aðgengilegar á vef Fjallabyggðar hér.