Fréttir

Þá er komið að lokahelgi Skammdegishátíðar í Fjallabyggð. Nú nær dagskráin frá fimmtudegi til sunnudags. Sýningarstaðir eru MTR, Listhúsið, Norlandia, Menningarhúsið Tjarnarborg, Kaffi Klara og litlu húsin á móti Kaffi Klöru.

Á fundi markaðs- og menningarnefndar á mánudaginn lagði Hrönn Hafþórsdóttir forstöðukona bóka- og héraðsskjalasafns Fjallabyggðar fram ársskýrslu fyrir árið 2015.

Fyrsta apríl lætur Örlygur Kristfinnsson af starfi sem safnstjóri Síldarminjasafns Íslands, en því hefur hann gegnt í 20 ár. Á fundi stjórnar safnsins í síðustu viku var samþykkt að Anita Elefsen tæki við af honum. Síðustu fimm ár hefur hún gegnt hlutverki rekstrarstjóra safnsins.

Það var líf og fjör í Fjallabyggð í gær þegar börn og ungmenni klæddu sig upp í hina ýmsu búninga í tilefni af Öskudeginum. Samkvæmt hefð gengu börnin í verslanir og fyrirtæki og sungu fyrir starfsfólk í von um að fá góðgæti fyrir.

Bæjarstjórn Fjallabyggðar tekur undir bókun bæjarstjórnar Akureyrar sem samþykkt var þann 2. febrúar sl., þar sem skorað er á ríkisstjórn Íslands og borgarstjórn Reykjavíkur að tryggja óskerta starfsemi Reykjavíkurflugvallar, a.m.k. þar til að jafngóð eða betri lausn finnst svo ekki verði dregið úr öryggi íbúa landsbyggðanna.

Viðbragðsaðilar í Fjallabyggð halda upp á 112 daginn, í dag, fimmtudaginn 11. febrúar. Í tilefni dagsins verður sýning á tækjum og tólum sjúkraflutninga, björgunarsveita og Slökkviðliðs Fjallabyggðar, sjúkraflutninga og björgunarsveita milli kl. 16:00 - 18:00.

Þá er komið að þriðju dagskrárhelgi á Skammdegishátiðinni. Um næstu helgi verður ýmislegt um að vera. Má nefna sýningar í Listhúsinu, Náttúrugripasafninu, Kaffi Klöru og í skíðaskálanum Tindaöxl.

Samkvæmt 6. gr. laga nr. 55/2003 um meðhöndlun úrgangs með síðari breytingum, skal sveitarstjórn, ein eða fleiri í sameiningu, „semja og staðfesta svæðisáætlun um meðhöndlun úrgangs sem gildir fyrir viðkomandi svæði til tólf ára í senn og skal sú áætlun fylgja stefnu um meðhöndlun úrgangs og stefnu um úrgangsforvarnir“, sbr. 5. gr. laganna.

Stofnað hefur verið nýtt ferðaþjónustufyrirtæki í Fjallabyggð, Amazing mountains ehf.

Á fundi bæjarráðs þann 2. febrúar sl. var lagt fram minnisblað deildarstjóra tæknideildar varðandi tilboð í viðbyggingu og endurbætur á leikskólanum við Brekkugötu 2, Siglufirði en tilboð voru opnuð þann 1. febrúar.