Fréttir

Ákveðið var á 75. fundi Fræðslu- og frístundanefndar að lengja opnunartíma sundlauga á þriðjudögum og fimmtudögum til kl. 20:30 á Siglufirði og til kl. 20:00 í Ólafsfirði. Tillöguna lagði fram Haukur Sigurðsson, forstöðumaður íþróttamiðstöðva Fjallabyggðar.

Þriðjudaginn 15. október verður málþing, og vinnustofa, undir nafninu „Flug til framtíðar“ haldið í Menningarhúsinu Hofi á Akureyri, frá kl. 13-16. Á fundinum verður fjallað um millilandaflug á Norðurlandi, fulltrúar frá bæði Super Break og Voigt Travel tala um sína reynslu af beinu flugi til Akureyrar og fara yfir þeirra framtíðarsýn í þeim efnum. Þá verður einnig fjallað um millilandaflug í tengslum við byggðamál. Að loknu málþingi verður haldin vinnustofa þar sem gestum gefst tækifæri til að ræða málin. Við hvetjum alla til að mæta og taka þátt í umræðum og vinnustofu um þetta þetta hagsmunamál okkar allra.

Eins og fyrri ár er undirbúningur að aðventu- og jóladagskrá í Fjallabyggð að hefjast og byrjum við á viðburðadagatalinu. Undanfarin ár hefur viðburðadagatal verið gefið út á vegum bæjarins þar sem tíunduð er dagskrá sem flestra þjónustuaðila, kirkjunnar, félaga, safna, skóla, jólamarkaðir, miðbæjarstemning og fleira sem fylgir því að njóta töfra aðventunnar.

Heilsueflandi samfélag og Fjallabyggð bjóða í líkamsrækt undir leiðsögn löggiltra einkaþjálfara í líkamsræktum Íþróttamiðstöðva Fjallabyggðar næstu fjórar vikur. Aðgangur að líkamsræktinni verður gjaldfrjáls á þessum tímum.

Fræðslu- og frístundanefnd Fjallabyggðar samþykkti á fundi sínum, þann 7. október síðastliðinn, samstarf milli íþróttamiðstöðva Fjallabyggðar og Dalvíkur

Markaðs- og menningarnefnd Fjallabyggðar auglýsir eftir umsóknum og eða rökstuddum ábendingum/tilnefningum um bæjarlistamann Fjallabyggðar 2020.

177. fundur bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði 9. október 2019 kl. 17.00

Uppbyggingarsjóður Norðurlands eystra auglýsir eftir umsóknum fyrir árið 2020. Hlutverk sjóðsins er að styrkja menningar-, atvinnuþróunar- og nýsköpunarverkefni. Auk þess veitir sjóðurinn stofn- og rekstrarstyrki til menningarmála.

Líkt og undanfarin ár munu verkefnastjóri menningarmála hjá Eyþingi og verkefnastjóri Atvinnuþróunarfélags Eyjafjarðar fara um svæðið til að aðstoða umsækjendur í Uppbyggingarsjóð Norðurlands eystra.

Þann 25. september sl. fór fram í Grunnskóla Fjallabyggðar, Ólympíuhlaup ÍSÍ (áður Norræna skólahlaupið). Gríðarlega góð þátttaka var meðal nemenda en alls tóku 79 krakkar 6. – 10. bekkjar þátt í hlaupinu og hlupu þeir samtals 655 km. Að þessu sinni létu nemendur gott af sér leiða og söfnuðu áheitum fyrir Sigurbogann, styrktarfélag Sigurbjörns Boga Halldórssonar, 7 ára fjölfatlaðs drengs á Siglufirði. Foreldrar, aðstandendur og aðrir gestir fjölmenntu við hlaupaleiðina til að hvetja nemendur og skapaðist mikil og skemmtilegt stemning í bænum. Á næstu dögum munu svo krakkarnir innheimta áheitin sem þeir söfnuðu.