Fréttir

Laugardaginn 9. nóvember kl. 15.00 opnar Ragnhildur Jóhanns sýningu í Kompunni, Alþýðuhúsinu á Siglufirði sem ber yfirskriftina Hvílist mjúklega. Sýningin er opin daglega frá kl. 14.00 - 17.00 til 24. nóvember.

Örlitlar breytingar verða á akstri skólarútu dagana 6.-8. nóvember vegna skipulagsdags og vetrarfrís grunnskólans. Á miðvikudag og fimmtudag falla út ferðir kl. 13:45 frá Siglufirði og kl. 14:20 frá Ólafsfirði og á föstudag falla út ferðir kl. 14:45 frá Siglufirði og kl. 15:25 frá Ólafsfirði.

Seinni hundahreinsunardagurinn! Dýralæknir verður í Fjallabyggð sem hér segir:

Á morgun föstudaginn 1. nóvember opnar Aðalheiður S. Eysteinsdóttir sýninguna Seiðandi dans í Kaktus. Opnunin hefst klukkan 20:00 með súpu og léttum veitingum. Að vanda eru allir hjartalega velkomnir að njóta lista og ljúfra stunda.

Næsti viðtalstími bæjarfulltrúa verður í dag mánudaginn 28. október að Gránugötu 24, Siglufirði kl. 16:30-17:30. Til viðtals verða bæjarfulltrúarnir Ingibjörg S. Jónsdóttir, Særún Hlín Laufeyjardóttir og Tómas Atli Einarsson

Umsækjendur athugið! Vegna tæknilegra vandamála með að vista umsóknir í umsóknarferli hefur Fjallabyggð ákveðið að framlengja umsóknarfrest vegna styrkumsókna sem vera átti fimmtudag 24. október. Nýr umsóknarfrestur er á miðnætti sunnudaginn 27. október nk.

Í október og nóvember verða starfsmenn Markaðsstofunnar á ferð um landshlutann og bjóða öllum þeim sem hafa áhuga til viðtals um þau verkefni sem verið er að vinna að á vegum stofnunarinnar, eins og DMP áfangastaðaáætlun, Flugklasann Air 66N, Norðurstrandarleið eða almennt um það sem tengist markaðsmálum til erlendra ferðamanna. Hægt verður að panta 20 mínútna langa fundi með þeim Arnheiði Jóhannsdóttur framkvæmdastjóra og Birni H. Reynissyni verkefnastjóra.

Afkomendur Stefáns Friðbjarnarsonar fyrrum bæjarstjóra Siglufjarðar (1966-1974) færðu Fjallabyggð málverk eftir Herbert Sigfússon málara að gjöf. Málverkið sem málað er árið 1947 er af Siglufirði og prýddi heimili Stefáns og fjölskyldu hans allt til dánardags Stefáns. Eins og fyrr segir eru það börn Stefáns, þau Sigmundur, Kjartan og Sigríður sem eru gefendur málverksins en hjónin Kjartan Stefánsson og Guðrún K. Sigurðardóttir afhentu gjöfina.

Þeir íbúar, félagasamtök og fyrirtæki í Fjallabyggð sem vilja koma með erindi, tillögur og/eða ábendingar er varða fjárhagsáætlun ársins 2020 eru hvattir til að senda þær inn til bæjaryfirvalda rafrænt á heimsíðu Fjallabyggðar eða á netfangið fjallabyggd@fjallabyggd.is

Þann 15. Október munu rafnar, Dušana & Framfari halda litríkan fögnuð og listviðburð í Alþýðuhúsinu á Siglufirði þar sem verður boðið upp á heimatilbúinn blöndung af tónverkum, myndlist og videoverkum. Samhliða hljómleikunum þá opnar ný listasýning með verkum eftir Dušana Pavlovičová. Sýningin er hluti af heildarverkinu VODA sem þau öll þrjú hafa unnið saman að undanfarin tvö ár. VODA verður flutt í heild sinni á tónleikunum ásamt kvikmyndatónlist Framfara úr myndinni Af Jörðu Ertu Kominn sem var frumsýnd fyrr á ári