Fréttir

Markaðs- og menningarnefnd Fjallabyggðar hefur samþykkt á fundi sínum þriðjudaginn 9. nóvember 2021 að útnefna Aðalheiði S. Eysteinsdóttur sem Bæjarlistamann Fjallabyggðar 2022.

Laugardaginn 6. nóvember lagðist að bryggju á Siglufirði varðskipið Freyja eftir fimm daga siglingu frá Rotterdam. Mikið fjölmenni lagði leið sína á Hafnarbryggjuna til að fagna komu skipsins til heimahafnar á Siglufirði. Freyja kom í fylgd varðskipsins Týs, þyrlu Landhelgisgæslunnar og björgunarskipa Slysavarnafélagsins Landsbjargar. Að auki keyrðu viðbragðsaðilar á Norðurlandi í samfloti frá Strákagöngum skipinu til heiðurs auk þess sem séraðgerðasveit Landhelgisgæslunnar skaut þremur heiðursskotum úr fallbyssu þegar skipið kom siglandi inn fjörðinn.

Undanfarin ár hefur viðburðadagatal verið gefið út á vegum bæjarins þar sem tíunduð er dagskrá flestra þjónustuaðila, kirkjunnar, félaga, safna, skóla, tónleikar, jólamarkaðir, miðbæjarstemning og fleira sem fylgir því að njóta töfra aðventunnar.

Í gær þann 8. nóvember, var alþjóðlegur dagur gegn einelti og tóku nemendur Grunnskóla Fjallabyggðar þátt í skemmtilegri dagskrá af því tilefni. Nemendum var skipt í hópa þvert á bekki á sitt hvorri starfsstöðinni og unnu ýmis verkefni tengd vinnu gegn einelti. Nemendur bjuggu til vinabönd, veggspjöld, spiluðu og dönsuðu.

206. fundur bæjarstjórnar Fjallabyggðar verður haldinn í Menningarhúsinu Tjarnarborg, Aðalgötu 13, Ólafsfirði, 10. nóvember 2021 kl. 17.00

Fjallabyggð auglýsir eftir verslunar- og þjónustuaðilum í Fjallabyggð sem hafa áhuga á að taka á móti gjafabréfum sem eru jólagjöf til starfsmanna sveitarfélagsins.

Fjallabyggð og Landhelgisgæsla Íslands bjóða til hátíðar á hafnarbryggjunni á Siglufirði næstkomandi laugardag 6. nóvember í tilefni þess að varðskipið Freyja kemur til landsins í fyrsta sinn. Skipið leggst að bryggju klukkan 13:30 í fylgd tveggja þyrla Landhelgisgæslunnar, varðskipsins Týs og björgunarskipsins Sigurvins frá Siglufirði.

Fjallabyggð óskar eftir áhugasömum einstakingum til að fylla tvö sæti "ópólitískra" fulltrúa í samráðsvettvangi Sóknaráæltunar Norðurlands eystra 2020-2024. Óskað er eftir karli og konu. Áhugasamir eru beðnir um að hafa samband við skrifstofu Fjallabyggðar í gegnum netfangið fjallabyggd@fjallabyggd.is

Markaðs- og menningarnefnd Fjallabyggðar auglýsir eftir tilnefningum um hver hljóta skuli nafnbótina Bæjarlistamaður Fjallabyggðar árið 2022. Aðeins þeir listamenn sem búsettir hafa verið í Fjallabyggð að minnsta kosti um tveggja ára skeið koma til greina. Nafnbótin getur hvort sem er hlotnast einstaklingum eða hópi. Auk nafnbótarinnar er bæjarlistamanni veittur menningarstyrkur og verður útnefning að vanda tilkynnt í janúar 2022.

Íþrótta- og Ólympíusamband Íslands (ÍSÍ) í samstarfi við Sundsamband Íslands stendur fyrir landsátaki í sundi frá 1. til 28. nóvember 2021. Syndum er heilsu- og hvatningarátak sem höfðar til allra landsmanna. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess.