Fréttir

Búast má við einhverjum töfum á sorphirðu í Fjallabyggð á næstunni sökum snjóþunga og þ.a.l. þungrar færðar á götum. Við hvetjum alla til að moka vel frá sorptunnum til að greiða aðgengi starfsmanna að tunnunum.

Vegna forfalla vantar umsjónarkennara á miðstigi í Grunnskóla Fjallabyggðar, til almennrar kennslu. Viðkomandi þarf að geta hafið störf sem fyrst í byrjun janúar 2022.

Fjallabyggð auglýsir eftir áhugasömum aðilum til að þróa hugmyndir um nýtingu flugvallarsvæðisins á Siglufirði með það að leiðarljósi að þar geti orðið til öflug atvinnustarfsemi til framtíðar. Til flugvallarsvæðis telst flugbraut, flughlað og mannvirki ásamt landsvæði við flugvöllinn.

Opnunartími bæjarskrifstofu, bóka- og héraðsskjalasafns og íþróttamiðstöðva í Fjallabyggð yfir jól og áramót:

Stýrihópur um heilsueflandi samfélag, Skíðafélag Ólafsfjarðar og Skíðafélag Sigufjarðar Skíðaborg, ætla að standa sameiginlega fyrir námskeiðum í skíðagöngu fyrir íbúa Fjallabyggðar í janúar 2022.

Senn líður að jólaleyfi í Grunnskóla Fjallabyggðar. Það þýðir að ferðir skólarútunnar munu breytast frá 20.desember til 3. janúar 2022. Rútan mun einungis aka milli bæjarkjarna 3svar sinnum á dag. Í jólafríi eru allir velkomnir í rútuna.

Á bæjarstjórnarfundi þann 15. desember 2021 fór fram seinni umræða um fjárhagsáætlun Fjallabyggðar fyrir árið 2022, ásamt þriggja ára áætlun 2022 – 2025. Var áætlunin samþykkt samhljóða með 7 atkvæðum.

Fjallabyggð býður nemendum í 1.-4. bekk áfram möguleika á frístundarstarfi strax að loknum skólatíma kl. 13.35 – 14.35. Starfið er fjölbreytt og í samstarfi við íþróttafélög, tónlistarskólann og fleiri aðila. Nemendur eru skráðir í frístundarstarfið hálfan vetur í einu. Æfingar hjá íþróttafélögum eru gjaldskyldar og greiðast við skráningu annað hvort með frístundastyrk eða með öðrum hætti. Önnur viðfangsefni í Frístund eru í boði Fjallabyggðar.

Tilefni er til þess að minna íbúa Fjallabyggðar á að huga vel að staðsetningu og aðkomu að sorptunnum við heimili sín. Sérlega nú þegar veturinn er farinn að minna vel á sig og aðgengi fyrir starfsmenn verður erfiðara sökum veðurs og snjóa.

208. fundur bæjarstjórnar Fjallabyggðar verður haldinn í Menningarhúsinu Tjarnarborg, Aðalgötu 13, Ólafsfirði, 15. desember 2021 kl. 17.00