Fréttir

Vetraropnun Íþróttamiðstöðva Fjallabyggðar gildir frá 1. september 2020 - 31. maí 2021

Framkvæmdasjóður ferðamannastaða hefur auglýst eftir umsóknum um styrki fyrir árið 2021. Opnað verður fyrir umsóknir 8. september og er umsóknarfrestur til kl. 12 á hádegi 6. október. Framkvæmdasjóðurinn fjármagnar framkvæmdir á ferðamannastöðum og ferðamannaleiðum í eigu eða umsjón sveitarfélaga og einkaaðila.

Vegna malbikunar Hvanneyrarbrautar utan Túngötu á Siglufirði á morgun miðvikudag kl. 9:00 – 22:00 verða götur lokaðar fyrir umferð sem hér segir: • Hvanneyrarbraut verður lokuð frá Þormóðsgötu að Fossvegi en íbúar við Hvanneyrarbraut 22-36 geta keyrt að húsi sínu. • Túngata verður lokuð frá Þormóðsgötu en íbúar við Túngötu 25- 43 geta keyrt að húsi sínu • Hlíðarvegur verður lokaður við Hvanneyrarbraut. Íbúar við Hvanneyrarbraut þar sem malbikun fer fram eru beðnir um að færa bíla sína. Hjáleiðir verða merktar.

191. fundur bæjarstjórnar Fjallabyggðar verður haldinn í Tjarnarborg, Aðalgötu 13, Ólafsfirði 9. september 2020 kl. 17:00

Sunnudaginn 13. september kl. 14.30 - 15.30 verða Tinna Gunnarsdóttir og Silvía Sif Ólafsdóttir með erindi á Sunnudagskaffi með skapandi fólki í Alþýðuhúsinu á Siglufirði. Kaffiveitingar í boði og eru allir velkomnir. Við pössum upp á fjarlægðarmörkin og sóttvarnir.

Í síðustu viku var undirritaður samningur milli Fjallabyggðar, Skógræktarfélags Ólafsfjarðar og Skógræktarfélags Íslands um ræktun Landgræðsluskógs í Ólafsfirði. Svæðið sem ætlað er undir ræktun Landgræðsluskógarins er í hlíðinni fyrir ofan byggð í Ólafsfirði og er 62,8 hektarar að stærð og nær frá Brimnesá í norðri að Hlíð í suðri.

Markaðsátakið "Fjallabyggð fagnar þér" heldur áfram. Fjallabyggð blés til átaks í markaðsmálum í upphafi sumars í samstarfi við Auglýsingastofuna PiparTBWA með áherslu á innlenda ferðamenn. Herferðinni verður haldið áfram og á næstu dögum hefst undirbúningur að herferð í íbúa- og atvinnuþróunarmálum með það að markmiði að fjölga íbúum og fyrirtækjum í bæjarfélaginu.

Fyrsti viðtalstími bæjarfulltrúa verður mánudaginn 28. september nk. á Siglufirði frá kl. 16:30-17:30. Að þessu sinni taka þau Ingibjörg G. Jónsdóttir, S. Guðrún Hauksdóttir og Særún Hlín Laufeyjardóttir á móti íbúum.

Fermt verður í Siglufjarðarkirkju laugardaginn 29. ágúst nk. og hefst athöfnin kl. 11:00. Sr. Sigurður Ægisson þjónar. Kirkjukór Siglufjarðarkirkju leiðir söng undir stjórn Guito organista. Í athöfninni verða 13 börn fermd.

Nýhafið er skólaárið 2020-2021 í Grunnskóla Fjallabyggðar. Áfram verður nemendum í 1.-4. bekk gefinn kostur á frístundastarfi strax að loknum skólatíma kl. 13.35 - 14.35. Starfið er fjölbreytt og í samstarfi við íþróttafélög, danskennara og tónlistarskólann. Nemendur eru skráðir í frístundastarfið hálfan vetur í einu. Í undanteknum tilvikum, ef gild ástæða er til, er hægt að endurskoða skráningu 25.-27. hvers mánaðar og tæki breytingin þá gildi um næstu mánaðamót á eftir.