Skipulags- og umhverfisnefnd Fjallabyggðar

Til umræðu umsagnir og ábendingar skipulagslýsingar vegna breytinga á Aðalskipulagi Fjallabyggðar 2008-2028. Einnig lögð fram drög að breytingaruppdrætti.

Til umræðu umsagnir og ábendingar skipulagslýsingar vegna deiliskipulags malarvallarins, Siglufirði. Einnig lögð fram drög að skipulags- og skýringaruppdrætti ásamt greinargerð.

Tekið fyrir erindi Guðmundar H. Gunnarssonar, f.h. eigenda Ytri-Gunnólfsár 2, dagsett 7.september 2017. Óskað er eftir umsögn skipulagsnefndar á meðfylgjandi drögum að deiliskipulagi fyrir frístundahús á jörðinni.

Undir þessum lið vék Guðmundur Skarphéðinsson af fundi.

Lagt fram erindi Síldarminjafns Íslands, dagsett 9.október 2017, þar sem óskað er eftir samþykki nefndarinnar fyrir leyfi til að smíða bryggjustúf, naust og hjall við fjöruna fyrir framan Bátahúsið skv. meðfylgjandi teikningum. Einnig lögð fram yfirlýsing frá Selvík ehf. þar sem fram kemur vilji til samvinnu um framkvæmdina.

Tekið fyrir erindi Elísar Hólm Þórðarsonar og Huldu Teitsdóttur, dagsett 11. október 2017, þar sem sótt er um lóðina Bakkabyggð 2, Ólafsfirði. Einnig er óskað eftir stækkun á byggingarreit og leyfi til að hafa þak hússins einhalla.

Undir þessum lið vék Guðmundur Skarphéðinsson af fundi.

Tekið fyrir erindi Vernharðs Skarphéðinssonar, dagsett 12.október 2017, þar sem óskað er eftir stækkun lóðarinnar Hafnargötu 4 til norðurs að Hafnargötu 2.

Tekið fyrir erindi ÓHK trésmíðar ehf. f.h. húseiganda Lindargötu 22, dagsett 13. september 2017. Óskað er eftir leyfi til að lagfæra stigapall fyrir framan húsið í samræmi við meðfylgjandi teikningu. Einnig lagt fram samþykki nágranna við Lindargötu 20 og 24.

Tekið fyrir erindi Björgvins Björnssonar og Vöku Njálsdóttur, dagsett 4. október 2017, þar sem óskað er eftir leyfi til að setja steinabeð ásamt skjólveggjum við norðurhlið Vesturgötu 5, Ólafsfirði.

Lagður fram tölvupóstur frá Ragnhildi Stefánsdóttur, dagsett 9. október 2017, þar sem fram kemur stærð og útlit fyrirhugaðrar styttu af Gústa guðsmanni og hugmynd að staðsetningu og útfærslu styttunnar á torginu.

Tekið fyrir erindi Magnúsar Þorgeirssonar, dagsett 1. október 2017, þar sem spurt er hvort hægt væri að reisa iðnaðarhúsnæði á svæði vestan Pálsbergsgötu 1, Ólafsfirði skv. meðfylgjandi mynd.

Tekið fyrir erindi Erlu Svanbergsdóttur, dagsett 22. september 2017, þar sem lýst er yfir áhyggjum af gróðri við Hlíðarveg 35 sem ekki hefur verið klipptur og vaxinn langt yfir og í gegnum girðingu sem snýr að Hlíðarvegi.

Tekið fyrir erindi íbúa, dagsett 21. júlí 2017, þar sem lýst er yfir áhyggjum af umferð á Aðalgötu Siglufirði.

Til umræðu leyfi til sauðfjárhalds í Fjallabyggð.

Til umræðu uppsetning strætóskýlis við Múlaveg.

Til umræðu númerslausir bílar í Fjallabyggð. Í nýjum úrskurði úrskurðarnefndar umhverfis- og auðlindanefndar sem kveðinn var upp þann 3. október sl. kemur skýrt fram að heilbrigðiseftirlitið hefur heimild til að fjarlægja númerslausa bíla á einkalóðum, á þeirri forsendu einni að um væri að ræða lýti á umhverfinu.

Til umræðu fráveitukerfi Fjallabyggðar eftir vatnsveður helgarinnar 13. - 14. október sl.