Skipulags- og umhverfisnefnd Fjallabyggðar

Nefndin leggur til við bæjarstjórn að tillaga að breytingu aðalskipulags verði kynnt íbúum og hagsmunaaðilum ásamt því að auglýsa tillöguna með lögbundnum hætti skv. 31. gr. skipulagslaga nr. 123/2010. Samhliða verður auglýst og kynnt tillaga að breytingu deiliskipulags Flæða.

Nefndin leggur til við bæjarstjórn að tillaga að breytingu deiliskipulags Flæða verði kynnt íbúum og hagsmunaaðilum ásamt því að auglýsa tillöguna með lögbundnum hætti skv. 41. gr. skipulagslaga nr. 123/2010. Samhliða verður auglýst og kynnt tillaga að breytingu aðalskipulags Fjallabyggðar vegna nýrrar raðhúsalóðar á deiliskipulagssvæðinu.

Nefndin felur tæknideild að útfæra breytingu á deiliskipulagi frístundabyggðarinnar við Saurbæjarás þannig að heimild verði fyrir einu smáhýsi innan hverrar lóðar í samræmi við byggingarreglugerð nr. 112/2012 m.s.br. gr. 2.3.5. lið f. Breytingin telst óveruleg þar sem nú þegar eru smáhýsi við flest frístundahúsin á svæðinu og verður því grenndarkynnt eigendum í samræmi við 2. mgr. 43. gr. skipulagslaga nr. 123/2010.

Nefndin tekur undir svörin sem lögð eru fram og leggur til við bæjarstjórn að óveruleg breyting á deiliskipulagi sem grenndarkynnt var skv. 2.mgr. 43. gr. skipulagslaga nr. 123/2010, verði samþykkt og auglýsing um það birt í B-deild Stjórnartíðinda.

Erindi samþykkt.

Nefndin leggur til við bæjarráð að umsókn um lóð verði samþykkt enda verði uppbygging á henni í samræmi við deiliskipulag suðurbæjar Siglufjarðar frá 7.5.2024.

Eins og fram kemur í framlögðu minnisblaði skipulagsfulltrúa, þurfa eigendur Lindargötu 22 og 24 að sækja um endurnýjun lóðarleigusamninga fyrir lóðirnar. Í þeirri vinnu verða teiknuð upp lóðarmörk í samráði við báða aðila og í framhaldinu ætti að vera hægt að reka niður hæla ef þess er óskað. Það er ekki hlutverk sveitarfélagsins að hlutast til um umferðarétt, heldur er það lóðarhafa að komast að samkomulagi um það.

Nefndin þakkar fyrir góða ábendingu og tekur undir áhyggjur málsaðila varðandi merkingar og seinagang við afgreiðslu hámarkshraða í þéttbýli Fjallabyggðar. Tæknideild falið að koma erindinu áfram til veghaldara þjóðvegarins og með vísun í bókun máls nr.2302025 verði þetta mál afgreitt svo fljótt sem auðið er.

Á 302.fundi skipulags- og umhverfisnefndar var lögð fyrir nefndina tillaga tæknideildar, unnin í samvinnu við Vegagerðina, þar sem samþykkt var að lækka hámarkshraða þjóðvega í gegnum þéttbýli Fjallabyggðar niður í 30 km/klst. Með þessu samþykkti nefndin að gera umferðaröryggi í íbúagötum jafnt undir höfði, hvort sem þær flokkist sem þjóðvegur í þéttbýli eða ekki - enda enginn eðlismunur þar á í daglegu amstri íbúa sveitarfélagsins. Í tvígang á þessu ári hefur umferð um Öxnadalsheiði verið beint í gegnum Fjallabyggð og styrkir það enn frekar afstöðu nefndarinnar.

Ljóst ef af erindum sem nefndinni hefur borist að langlundargeð íbúa gagnvart afgreiðslu hámarkshraða í sveitarfélaginu er að þrotum komið og skorast nefndin ekki undan þeirri ábyrgð sem hún ber á seinagangi þeirrar afgreiðslu. Tillaga umferðadeildar Vegagerðarinnar sem nú lítur skyndilega dagsins ljós, án rökstuðnings, er þó ekki í samræmi við það sem þegar hefur verið lagt fyrir nefndina og samþykkt, er ekki í takt við daglega notkun eða nærumhverfi þjóðvegarins, og síst til þess fallinn að hægt sé að ljúka málinu hratt og örugglega.

Nefndin ítrekar fyrri afgreiðslu málsins og hvetur umferðadeild Vegagerðarinnar til að endurskoða afstöðu sína og samþykkja áður framlagða uppdrætti svo hægt sé að nýta framkvæmdir sumarsins til að ljúka skiltun og öðrum nauðsynlegum umferðaröryggisaðgerðum fyrir upphaf næsta skólaárs.

Erindi samþykkt.

Samþykkt og vísað til afgreiðslu bæjarstjórnar.

Nefndin samþykkir stöðuleyfið sem er veitt til 12 mánaða í senn og hvetur stöðuleyfishafa til að ganga snyrtilega um.

Málið er enn í vinnslu tæknideildar og verður tekið fyrir á næsta fundi nefndarinnar. Afgreiðslu frestað.

Nefndin samþykkir stöðuleyfið sem verður veitt til 12 mánaða.