Breyting á deiliskipulagi Flæða

Umræða tekin um breytingu á deiliskipulagi Flæða í Ólafsfirði með það að markmiði að uppbygging svæðisins bjóði upp á fjölbreyttari húsagerðir.

Lögð fram breyting á deiliskipulagi Flæða dagsett 5.4.2024. Sú breyting er gerð að í stað fjögurra lóða fyrir einbýlishús við Ægisbyggð 7 og Mararbyggð 14, 16 og 18, verða á svæðinu þrjár lóðir fyrir parhús á einni hæð ásamt sambyggðum bílgeymslum. Einnig er bætt við lóð fyrir fimm íbúða raðhús ásamt sambyggðum bílgeymslum á óbyggðu svæði/útivistarsvæði sunnan raðhúsalóða við Bylgjubyggð 13-25 og 27-35. Með breytingu á deiliskipulagi er verið að bjóða upp á fjölbreyttari húsagerðir á svæðinu en gert er ráð fyrir í gildandi deiliskipulagi, þar sem aðeins er gert ráð fyrir einbýlishúsum á nýjum lóðum á svæðinu.

Á 310. fundi skipulags- og umhverfisnefndar var lögð fram breyting á deiliskipulagi Flæða dagsett 5.4.2024. Sú breyting er gerð að í stað fjögurra lóða fyrir einbýlishús við Ægisbyggð 7 og Mararbyggð 14, 16 og 18, verða á svæðinu þrjár lóðir fyrir parhús á einni hæð ásamt sambyggðum bílgeymslum. Einnig er bætt við lóð fyrir fimm íbúða raðhús ásamt sambyggðum bílgeymslum á óbyggðu svæði/útivistarsvæði sunnan raðhúsalóða við Bylgjubyggð 13-25 og 27-35. Með breytingu á deiliskipulagi er verið að bjóða upp á fjölbreyttari húsagerðir á svæðinu en gert er ráð fyrir í gildandi deiliskipulagi, þar sem aðeins er gert ráð fyrir einbýlishúsum á nýjum lóðum á svæðinu.

Nefndin samþykkti fyrir sitt leyti að auglýst verði skipulagslýsing með þeim upplýsingum sem fram koma í framlagðri breytingartillögu, í samræmi við 40.gr. skipulagslaga nr. 123/2010.

Málinu var vísað til afgreiðslu bæjarstjórnar.

Helgi Jóhannsson tók til máls.

Lögð fram tillaga að breytingu á deiliskipulagi Flæða í Ólafsfirði. Á uppdrættinum sem dagsettur er 5. apríl 2024 kemur nánar fram í hverju breytingarnar felast en markmiðið með þeim er að bjóða upp á fjölbreyttari húsagerðir á svæðinu en gert er ráð fyrir í gildandi deiliskipulagi, þar sem aðeins var gert ráð fyrir einbýlishúsalóðum.

Breyting á deiliskipulagi Flæða í Ólafsfirði var auglýst með athugasemdafresti frá 19. ágúst 2024 til 4. október 2024 samhliða breytingu á aðalskipulagi. Umsögn barst frá Minjastofnun Íslands sem gerði ekki athugasemdir við breytinguna.

Á 315. fundi skipulags- og umhverfisnefndar var lögð fram breyting á deiliskipulagi Flæða í Ólafsfirði sem auglýst var með athugasemdafresti frá 19. ágúst 2024 til 4. október 2024 samhliða breytingu á aðalskipulagi. Umsögn barst frá Minjastofnun Íslands sem gerði ekki athugasemdir við breytinguna. Málinu vísað til afgreiðslu bæjarstjórnar.
Nefndin leggur til við bæjarstjórn að tillagan verði samþykkt og afgreidd í samræmi við 42.gr. skipulagslaga nr.123/2010.
Enginn tók til máls.