Bæjarráð Fjallabyggðar

Lagt er fram erindi stjórnar, meistaraflokksráðs og barna og unglingaráðs Knattspyrnufélags Fjallabyggðar (KF) dags. 10. september 2021. Í erindinu er þess krafist að fyrirhuguðum framkvæmdum við Ólafsfjarðarvöll verði frestað fram yfir kosningar 2022. Einnig er, í erindinu, því komið á framfæri að forsvarsmenn KF séu tilbúnir að funda með fulltrúum bæjarins til að fara yfir málið. Þá eru lögð fyrir fundinn gögn sem KF sendi í aðdraganda fundar og minnisblöð EFLU verkfræðistofu dags. 18. og 20. september. Í fyrra minnisblaði EFLU er farið yfir ástæður mistaka sem voru gerð við útreikning verkfræðistofunnar á rekstrarkostnaði gervigrasvalla, hið síðara er minnisblað með samanburði á gervigrasi og náttúrlegu grasi hvað varðar stofnkostnað, rekstrarkostnað, líklega endingu og aðra þætti.
Á fund bæjarráðs mættu fyrir hönd KF, Magnús Þorgeirsson, Örn Elí Gunnlaugsson, Ásgeir Frímannsson og Þorvaldur Sveinn Guðbjörnsson.

Bæjarstjóri lagði fram og fór yfir sjö mánaða rekstraryfirlit bæjarsjóðs.

Helstu niðurstöður eru að tekjur samstæðu eru 12% hærri en fjárhagsáætlun gerði ráð fyrir sem og samtímatölur fyrra árs, rekstrargjöld eru 10% hærri en áætlun gerði ráð fyrir og 14% hærri en samtímatölur fyrra árs. Tekjuhækkun skýrist að mestu af hærri útsvarstekjum og því að framlög Jöfnunarsjóðs hafa lækkað minna en áætlun sjóðsins gerði ráð fyrir. Hvað varðar hækkun rekstrargjalda þá stafar hækkun á milli ára að langmestu leyti af hækkun launakostnaðar sem stafar annars vegar af launahækkunum og hins vegar af launakostnaði vegna styttingar vinnuviku. Launakostnaður er 3,8% undir áætluðum launakostnaði 2021. Rekstrarniðurstaða samstæðu samkvæmt framlögðu yfirliti er neikvæð um tæpar 91 millj.kr.

Lagt er fram minnisblað deildarstjóra stjórnsýslu- og fjármála dags. 13. september 2021. Í minnisblaðinu óskar deildarstjóri eftir því að sett verði í viðauka áætluð tekjuhækkun sem fram kemur í útgefinni tekjuáætlun Jöfnunarsjóðs frá 5. júlí sl.
Einnig er lagt til að sett verði í viðauka vegna staðgreiðslu, að upphafleg fjárhagsáætlun fyrir árið 2021 verði látin halda sér.

Á fundi bæjarstjórnar þann 8. september sl. samþykkti bæjarstjórn að veita bæjarráði fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma, fram að kjördegi vegna alþingiskosninga 25. september 2021 í samræmi við 27. gr. kosningalaga.
Í rafpósti frá Þjóðskrá Íslands dagsettum 20. september 2021, er ábending um leiðréttingu kjörskrár vegna fráfalls.

Fram er lögð gildandi umferðaröryggisáætlun Fjallabyggðar sem unnin var og samþykkt 2013, ástæða framlagningar er tillaga Tómasar Atla Einarssonar bæjarfulltrúa þess efnis að bæjarráð samþykki að hafist verði handa við endurskoðun áætlunarinnar.

Lögð eru fyrir fundin gögn er varða fyrirspurn frá íbúum við Norðurtún á Siglufirði vegna öryggis ofanflóðavarna. Fyrirspurnin snýr m.a. að öryggi þeirra sem búa undir svonefndum Stóra Bola sem er varnargarður syðst í byggðarkjarnanum og er sett fram í ljósi rýminga sem áttu sér stað síðasta vetur. Bæjarstjóri fór einnig yfir óformleg samskipti sem hann hefur átt við starfsmann ofanflóðanefndar og veðurstofuna vegna málsins, samskipti sem ekki hafa skilað skýrum svörum um öryggi íbúa eða hugsanlegar úrbætur á varnarvirkjum.

Lagt er fram vinnuskjal slökkviliðstjóra dags 19. september 2021.

Lagt er fram minnisblað deildarstjóra fræðslu-, frístunda- og menningarmála dags. 20. september 2021. Í minnisblaðinu óskar deildarstjóri heimildar til verðkönnunar vegna ræstinga í húsnæði Tónlistarskólans á Tröllaskaga (TÁT), Siglufirði. Fram kemur í minnisblaðinu að, m.v. núgildandi samning, það sé ólíklegt að upphæð nýs samnings að teknu tilliti til framlengingarmöguleika verði hærri en viðmiðunartala innkaupareglna Fjallabyggðar.

Lagt er fram erindi Hestamannafélagsins Glæsis dags. 2. september 2021, í erindinu óskar stjórn félagsins eftir fundi með bæjarráði vegna þriggja atriða sem tíunduð eru í erindinu. Einnig er lagt fram vinnuskjal deildarstjóra tæknideildar dags. 15. september.

Lagt er fram erindi Samtaka sveitarfélaga og atvinnuþróunar á Norðurlandi eystra (SSNE) dags. 15. september 2021, erindið varðar ósk SSNE um fjárframlag til stofnunar einkahlutafélags um líforkuver.

Lagt er fram bréf Sambands Íslenskra sveitarfélaga dags. 15. september 2021.

Lagt fram erindi Hrannars Braga Eyjólfssonar dags. 17. september þar sem óskað er eftir styrk til ritunar á ævisögu sr. Braga Friðrikssonar.

Bæjarráð samþykkir að skipa Margréti Einarsdóttur í undirkjörstjórn Siglufirði í stað Ólafs Hauks Kárasonar.

Lögð er fram til kynningar skýrsla Jóns Þorvaldar Heiðarssonar um mögulegar framkvæmdir í vegagerð á Norðurlandi eystra, skýrslan er unnin fyrir Samtök sveitarfélaga og atvinnuþróunar á Norðurlandi eystra (SSNE) og er fyrsti áfangi í áhersluverkefni sem Rannsóknamiðstöð Háskólans á Akureyri (RHA) tók að sér að vinna. Markmið verkefnisins er að greina framtíðar vegaframkvæmdir eða samgöngukost á starfssvæði samtakanna.

Niðurstaða færð í trúnaðarbók.

Niðurstaða færð í trúnaðarbók.

Lagt fram fundarboð og dagskrá vegna landsfundar um jafnréttismál sveitarfélaga 2021, fundurinn verður haldinn í fjarfundi fimmtudaginn 14. október nk.

Lagðar eru fram til kynningar fundargerðir 5. og 6. verkfunda verksins Snjóflóðavarnir á Siglufirði, stoðvirki 4. áfangi - uppsetning.

Lagðar eru fram til kynningar fundargerð 27. fundar skólanefndar Tónlistarskólans á Tröllaskaga dags. 10. september 2021 og fundargerð 29. fundar stjórnar Hornbrekku dags. 17. september.