Bæjarráð Fjallabyggðar

Bæjarráð samþykkir að taka tilboði Trésmíði ehf í verkið á þeim forsendum sem fram koma í tilboðinu. Gert er ráð fyrir framkvæmdunum í fjárfestingaáætlun 2025.

Bæjarráð vísar erindinu til umfjöllunar í bæjarstjórn.

Bæjarráð tekur vel í erindi Sjómannadagsráðs og felur sviðsstjóra skipulags- og framkvæmdasviðs að fá frekari upplýsingar til útfærslu á hugmyndum ráðsins.

Lagt fram til kynningar.

Lagt fram til kynningar.

Lagt fram til kynningar.

Bæjarráð samþykkir að tilnefna sviðsstjóra skipulags- og framkvæmdasviðs sem tengilið vegna vinnu við sameiginlega svæðisáætlun um meðhöndlun úrgangs.

Á fundi bæjarráðs Fjallabyggðar þann 3.apríl 2025 voru lögð fram drög að frumvarpi um breytingar á lögum um veiðigjald en umsagnarfrestur um drögin er til og með 3.apríl. Bæjarráð Fjallabyggðar samþykkir eftirfarandi umsögn um frumvarpið:

„Fjallabyggð er ekki mótfallinn því að útgerðir greiði sanngjarnt gjald fyrir afnot af auðlindum sjávar en hafa verður þó í huga hvaða afleiðingar breytingar í þá átt sem frumvarpið gerir ráð fyrir geta haft fyrir fyrirtæki í sjávarútvegssveitarfélögunum og þar með sveitarfélögin sjálf.

Þrátt fyrir augljósa óvissu um afleiðingar fyrir sveitarfélög hafa engin gögn verið lögð fram um áhrif tillögunnar á landsbyggðina eða einstök sveitarfélög og er það í andstöðu við 129.grein sveitarstjórnarlaga sem kveður á um að fara eigi fram sérstakt mat á áhrifum lagabreytinga á fjárhag sveitarfélaga.

Rekstur og fjárfestingar útgerðarinnar hafa gríðarleg áhrif á samfélag Fjallabyggðar og má í því sambandi nefna að vægi fiskveiða í útsvarsgrunni Fjallabyggðar var árið 2024, 17,6% samkvæmt fyrirliggjandi gögnum og vægi fiskvinnslu í sama grunni 5,4%.

Fjallabyggð gerir verulegar athugasemdir við stuttan umsagnarfrest sem veittur var, eða aðeins 10 dagar frá birtingu frumvarpsins, sérstaklega í ljósi þess að engin greiningargögn eru lögð fram og eins og áður segir því mikil óvissa um áhrifin. Ómögulegt er fyrir sveitarfélög að afla sér nauðsynlegra upplýsinga með svo skömmum fyrirvara og því gerir Fjallabyggð þá kröfu að umsagnarfrestur verði framlengdur og aflað verði frekari gagna til upplýsinga og samtals við hagaðila með það í huga að minnka þá óvissu sem ríkir um afleiðingar slíks frumvarps fyrir sjávarútvegssveitarfélög.“

Lagt fram til kynningar.