Erindi varðandi endurskoðun Svæðisáætlunar um meðhöndlun úrgangs á Norðurlandi 2015-2026

Lagður er fram tölvupóstur frá Eyþóri Björnssyni f.h. Samtaka sveitarfélaga og atvinnuþróunar á Norðurlandi eystra (SSNE) dags. 8. nóvember 2021. Í erindinu leggur SSNE til að ráðist verði í endurskoðun á Svæðisáætlun um meðhöndlun úrgangs á Norðurlandi og að verkefnið verði unnið í samstarfi við Norðurland vestra og að Svalbarðshreppi og Langanesbyggð verði boðin þátttaka.

Óskað er eftir afstöðu aðildarsveitarfélaga til eftirfarandi :

Að Svæðisáætlun um meðhöndlun úrgangs á Norðurlandi 2015-2026 verði endurskoðuð á næsta ári m.v. eftirfarandi:

Að endurskoðun verði unnin í samstarfi við Norðurland vestra.
Að endurskoðun verði fjármögnuð sem áhersluverkefni (framlög ríkis).
Að Svalbarðshreppi og Langanesbyggð verði þátttakendur í svæðisáætluninni, kjósi þau það.

Lögð fram tillaga að svæðisáætlun um meðhöndlun úrgangs á Norðurlandi.
Svæðisáætlunartillagan verður auglýst í Lögbirtingablaðinu og í einum eða fleiri fjölmiðlum sem ætla má að nái til almennings á svæðinu. Tillagan verður gerð aðgengileg á vefsíðum SSNV og SSNE, á vefsíðu Skipulagsstofnunar og á vefsíðu Environice. Þess er jafnframt óskað að sveitarfélögin á Norðurlandi birti tillöguna á vefsíðum sínum. Frestur til að skila ábendingum og athugasemdum er til 31. mars nk. og verður tekið við slíku á stefan@environice.is.

Endanleg tillaga að svæðisáætlun um meðhöndlun úrgangs á Norðurlandi 2023-2036 lögð fram með ósk um að hún verði lögð fyrir sveitarstjórn til samþykktar. Áætlunin öðlast gildi þegar allar hlutaðeigandi sveitarstjórnir hafa samþykkt hana.