Bæjarráð Fjallabyggðar

Húsnæðisáætlun Fjallabyggðar 2023 lögð fram til kynningar. Áætlunin var unnin á samræmdu formi Húsnæðis- og mannvirkjastofnunar.

Á 121. fundi fræðslu- og frístundanefndar þann 13. febrúar síðastliðinn óskaði nefndin eftir að athugasemdir og áhyggjur sem henni hafði borist í tölvupósti frá kennurum Grunnskóla Fjallabyggðar, við Tjarnarstíg Ólafsfirði, varðandi flutning skólastarfs 5. bekkjar yfir í starfsstöðina í Ólafsfirði áður en viðbygging væri tilbúin, yrði komið á framfæri við bæjarráð.
Ríkey Sigurbjörnsdóttir, deildarstjóri fræðslu-, frístunda og menningarmála mætti á fund bæjarráðs ásamt Erlu Gunnlaugsdóttur, skólastjóra Grunnskóla Fjallabyggðar.

Lagður fram útfærður viðauki nr. 5 við fjárhagsáætlun 2023. Í viðaukanum er gert ráð fyrir kaupum og innleiðingu á OneLandRobot, sem er ný útgáfa hugbúnaðarlausnar frá One sem vinnur alfarið á rafrænum samskiptum milli viðkomandi sveitarfélags og umsækjenda byggingaráforma og byggingarleyfa, hönnuða, byggingarstjóra og iðnmeistara. Með viðaukanum eru fjárheimildir mfl./deild 09510-4346 (Hugbúnaðarleiga) auknar um kr. 2.100.000 sem mætt verður með lækkun á handbæru fé.

Lagt fram minnisblað deildarstjóra tæknideildar vegna verkefnisins "Geislatæki á Hvanneyrarlind".
Einnig lagður fram útfærður viðauki nr. 6 við fjárhagsáætlun 2023, þar sem fjárheimildir verkefnisins á fjárfestingaáætlun 2023 eru auknar um kr. 2.500.000.
Fjárfestingin verður eignfærð og mætt með lækkun á handbæru fé.

Skýrsla EFLU um jarðkönnun sem gerð var 30. janúar sl. lögð fram til kynningar.

Niðurstaða færð í trúnaðarbók.

Auglýsing Lánasjóðs sveitarfélaga eftir framboðum í stjórn lánasjóðsins lögð fram til kynningar.

Lögð fram drög að sameiginlegri viljayfirlýsingu sveitarfélaganna á Norðurlandi eystra vegna næstu skrefa undirbúnings við líforkuver í Eyjafirði.

Lögð fram tillaga að svæðisáætlun um meðhöndlun úrgangs á Norðurlandi.
Svæðisáætlunartillagan verður auglýst í Lögbirtingablaðinu og í einum eða fleiri fjölmiðlum sem ætla má að nái til almennings á svæðinu. Tillagan verður gerð aðgengileg á vefsíðum SSNV og SSNE, á vefsíðu Skipulagsstofnunar og á vefsíðu Environice. Þess er jafnframt óskað að sveitarfélögin á Norðurlandi birti tillöguna á vefsíðum sínum. Frestur til að skila ábendingum og athugasemdum er til 31. mars nk. og verður tekið við slíku á stefan@environice.is.

Fundargerðir 121. fundar fræðslu- og frístundanefndar og 25. fundar stýrihóps heilsueflandi samfélags lagðar fram til kynningar.