Bæjarráð Fjallabyggðar

Á 718. fundi bæjarráðs var lagt fram erindi Láru Stefánsdóttur skólameistara f.h. Menntaskólans á Tröllaskaga dags. 4.11.2021. Í erindinu reifar skólameistari hugmyndir sem tengjast því að efla skólann sem lærdómssetur með víðtækari tengingar inn í samfélagið sem geti fallið vel að skólastarfinu. Lára Stefánsdóttir mætti á fund bæjarráðs og fór yfir innsent erindi.

Á 718. fundi bæjarráðs var lagt fram erindi Jóhanns Más Sigurbjörnssonar f.h. Golfklúbbs Siglufjarðar dags. 8.11.2021. Í erindinu er þess farið á leit að sveitarfélagið veiti félaginu styrk að fjárhæð 30 millj.kr. til uppbyggingar inniaðstöðu, fyrir golfspilara, sem félagið hyggst koma á laggirnar. Jóhann Már Sigurbjörnsson og Jón Karl Ágústsson mættu á fund bæjarráðs og fóru yfir innsent erindi.

Lagt er fram til kynningar yfirlit yfir launakostnað vegna janúar til október 2021.

Frestað til næsta fundar bæjarráðs.

Lagt er fram minnisblað deildarstjóra fræðslu-, frístunda og menningarmála dags. 15. nóvember 2021 vegna kaupa á sundlaugarlyftu í Íþróttamiðstöð Fjallabyggðar, Siglufirði.
Óskað er eftir viðauka við fjárhagsáætlun 2021 kr. 1.500.000.- sem yrði eignfært á framkvæmdina í íþróttamiðstöðinni, viðaukanum yrði mætt með lækkun á handbæru fé.

Lögð er fram bókun 28. fundar skólanefndar Tónlistarskólans á Tröllaskaga (TÁT), 25. október sl.

Liður 2:
Skólanefnd TÁT leggur til samhljóða með þremur atkvæðum að vísa tillögu að gjaldskrá TÁT fyrir fjárhagsárið 2022 í Byggðaráði Dalvíkurbyggðar og Bæjarráði Fjallabyggðar.

Liður 3:
Skólanefnd TÁT samþykkir samhljóða með þremur atkvæðum að vísa tillögu að starfs - og fjárhagsáætlun TÁT fyrir fjárhagsárið 2022 til Byggðaráðs Dalvíkurbyggðar og Bæjarráðs Fjallabyggðar.

Lagður er fram til kynningar listi yfir styrkumsóknir til hátíðarhalda fyrir árið 2022.

Lagður er fram til kynningar listi yfir styrkumsóknir til rekstrarstyrkja safna og setra fyrir árið 2022.

Lagður er fram tölvupóstur frá Eyþóri Björnssyni f.h. Samtaka sveitarfélaga og atvinnuþróunar á Norðurlandi eystra (SSNE) dags. 8. nóvember 2021. Í erindinu leggur SSNE til að ráðist verði í endurskoðun á Svæðisáætlun um meðhöndlun úrgangs á Norðurlandi og að verkefnið verði unnið í samstarfi við Norðurland vestra og að Svalbarðshreppi og Langanesbyggð verði boðin þátttaka.

Óskað er eftir afstöðu aðildarsveitarfélaga til eftirfarandi :

Að Svæðisáætlun um meðhöndlun úrgangs á Norðurlandi 2015-2026 verði endurskoðuð á næsta ári m.v. eftirfarandi:

Að endurskoðun verði unnin í samstarfi við Norðurland vestra.
Að endurskoðun verði fjármögnuð sem áhersluverkefni (framlög ríkis).
Að Svalbarðshreppi og Langanesbyggð verði þátttakendur í svæðisáætluninni, kjósi þau það.

Lagður er fram til kynningar listi yfir styrkumsóknir frá Björgunarsveitum fyrir árið 2022.

Lagt er fram erindi frá Sverri Sveinssyni dags. 9. nóvember 2021 varðandi hleðslu rafbíla við Skálarhlíð.

Lagður er fram tölvupóstur Kristjáns Haukssonar, formanns Skíðafélags Ólafsfjarðar dags. 13. nóvember 2021, varðandi ljósaperur í troðaraskemmu. Einnig er lagt fram minnisblað deildarstjóra fræðslu-, frístunda og menningarmála dags. 16.11.2021, þar sem lagt er til að samþykkt verði endurnýjun á ljósum í troðaraskemmu í Tindaöxl. Kostnaður við endurnýjun ljósa er kr. 260.000.- sem óskað er eftir að sett verði í viðauka við málaflokk 06680, lykill 4960. Óskað er eftir að mæta viðaukanum innan fjárhagsáætlunar með færslu á milli málaflokka, lækkun á málaflokki 10310, lykli 4960, kr.-260.000.-.

Lagt fram erindi stjórnar Björgunarsveitarinnar Stráka dags. 13. nóvember 2021, í erindinu fer stjórn þess á leit að fá að mæta á fund bæjarráðs við fyrsta hentugleika. Fundarefni er að kynna starfsemi sveitarinnar, gerð langtímasamnings um styrkveitingar og skilgreining samstarfsverkefna sveitarinnar og Fjallabyggðar og kynning á stóru verkefni sveitarinnar er varðar kaup á fullkomnum leitardróna.

Lagt fram erindi Blakfélags Fjallabyggðar dags. 14.október 2021 vegna styrkumsóknar varðandi afnot af íþróttamannvirkjum sveitarfélagsins fyrir Paramót BF-Sigló Hótel, Benecta mót BF, Íslandsmótsleika og -túrneringar og Héraðsmót yngri flokka.

Lagt fram erindi frá Skíðafélagi Ólafsfjarðar dags. 28.10.2021 vegna styrkumsóknar varðandi afnot af Íþróttamannvirki í Ólafsfirði og vegna afnota af Tjarnarborg vegna Fjarðargöngu 2022.

Lagt fram erindi frá Gesti Þór Guðmundssyni og Helgu Maríu Heiðarsdóttur vegna North Ultra fjallahlaupsins 2022. Óskað er eftir styrk að fjárhæð kr. 500.000.-

Lagt fram til kynningar fréttabréf SSNE 21. tbl. október 2021

Lagt fram til kynningar fundargerð Ungmennaráðs Fjallabyggðar 29. fundar sem haldinn var þann 11. nóvember sl.