Bæjarráð Fjallabyggðar

Á fjarfund eru mætt Jón Helgi Björnsson, forstjóri Heilbrigðisstofnunar Norðurlands, Hildur Ösp Gylfadóttir mannauðsstjóri HSN og Guðný Friðriksdóttir framkvæmdastjóri hjúkrunar, til þess að ræða málefni HSN í Fjallabyggð.

Fyrir liggja fjárhagsupplýsingar vegna uppgjörs ársins 2024 en verið er að ljúka gagnasöfnun og færslur fyrir endurskoðun.

Með fundarboði fylgja drög að samstarfssamningi milli Fjallabyggðar og Ungmenna- og íþróttasambands Fjallabyggðar (UÍF) um íþróttastarf barna og unglinga í Fjallabyggð.

Á 116. fundi sínum, 10. mars sl. lagði markaðs- og menningarnefnd til við bæjarráð að auglýst verði eftir rekstraraðilum fyrir tjaldsvæði í Fjallabyggð til næstu þriggja ára. Með fundarboði fylgir hugmynd að auglýsingu þar sem fyrirkomulag útvistunar er útlistað.

Fyrir liggja drög að nýju skipuriti fyrir stjórnsýslu Fjallabyggðar sem og tillaga að nefndaskipan í samræmi við tillögur að nýjum samþykktum Fjallabyggðar. Tillögur að breytingum taka m.a. mið af ábendingum sem fram komu í stjórnsýsluúttekt Strategíu frá síðasta ári.

Fyrir liggja upplýsingar um uppfærða kostnaðaráætlun vegna fyrirhugaðra framkvæmda við sundlaugina á Siglufirði á þessu ári, þ.m.t. endurnýjun á þaki og lagnarými í sundlauginni.

Fyrir liggur erindi frá markaðs - og menningarfulltrúa þar sem fram kemur að Listahátíð Reykjavíkur sé að skipuleggja afhendingu Eyrarrósarinnar í samstarfi við Aðalheiði Eysteinsdóttur í Alþýðuhúsinu á Siglufirði. Hefð er fyrir því að sveitarfélög bjóði verndara hátíðarinnar, sem nú er maki forseta Íslands, Björn Skúlason, til móttöku ásamt fylgdarfólki.

Fyrir liggja vinnuskjöl vegna funda viðræðuhóps um starfsemi Leyningsáss ses

Fyrir liggur vinnuskjal vegna 10.fundar umhverfis- og tæknideildar.

Umhverfis - og samgöngunefnd Alþingis sendir til umsagnar tillögu til þingsályktunar um breytingu á þingsályktun nr 24/152 um áætlun um vernd og orkunýtingu landsvæða. Frestur til að senda inn umsögn er til og með 20.mars n.k.

Lagt fram til kynningar