Fréttir

Í viðtali í hádegisfréttum útvarps í gær greindi Þórir Kristinn Þórisson bæjarstjóri frá því að sveitafélagið hygðist nýta vatnið í Héðinsfjarðargöngunum til neyslu, iðnaðar og jafnvel útflutnings. Hann sagði vatnsfundinn mikinn feng fyrir sveitarfélagið og svo mikið vatn væri á svæðinu að það gæti dugað öllu Eyjafjarðarsvæðinu.

Með Fréttablaðinu í dag fyrlgir sérstakt blað um Siglufjörð. Í blaðinu eru m.a. skemmtilegar greinar um mannlíf og atvinnulíf á Siglufirði auk fjöld mynd frá honum Steingrími okkar. Einnig er Síldarævintýrinu gerð góð skil.

Fram kom í Svæðisútvarpinu fyrir helgi að unglingar á Eyjafjarðarsvæðinu eru mis vel launaðir. Sextán ára unglingar í Grýtubakkahreppi bera mest úr býtum þegar skoðað er tímakaup unglinga fyrir sumarvinnu hjá sveitarfélögum í Eyjafirði. Hæsta tímakaupið hjá fjórtán og fimmtán ára er hjá Dalvíkurbyggð. Lægsta tímakaupið hjá öllum þremur aldursflokkunum greiðir Fjallabyggð.

Fimm íslenskir íþróttamenn undirbúa sig nú fyrir Ólympíumót fatlaðra sem fram fer í Peking í september og keppa þar í sundi, frjálsíþróttum og kraftlyftingum. Þeirra á meðal er Ólafsfirðingurinn Baldur Ævar Baldursson sem keppir í langstökki. Baldur Ævar er öflugur íþróttamaður í fleiri en einni grein og hefur m.a. hlotið styrki úr Afrekssjóði ÍSÍ. Baldur Ævar starfar hjá Fjallabyggð við íþróttasvæðin í Ólafsfirði.

Eins og flestir vita tók Seyra ehf. að sér sorphreinsun og umsjón með gámasvæði í Siglufirði þann 15. júlí sl. Gámasvæðið í Siglufirði er opið sem hér segir: Virka daga frá kl. 13:00 til 18:00 Laugardaga frá kl. 15:00 til 18:00 Vaktmaður er á staðnum á þessum tímum. Siglfirðingar er vinsamlegast beðnir um að virða þessa opnunartíma! 

Á sksiglo.is - Lífið í Fjallabyggð má finna fréttir og frábærar myndir af hinum mikla vatnsflaumi sem valdið hefur miklum töfum við gangnagerðina undafarið. http://www.sksiglo.is/news/hednsfjardargong_ol./

Við höfnina í Siglufirði liggur lúxus skemmtiferðaskipið Prince Albert II. Skipið er nefnt í höfuðið á Prins Albert II frá Monaco, en hann gaf skipinu nafn á sínum tíma.

Seyra ehf stendur fyrir stofnun hóps áhugafólks meðal almennings í Fjallabyggð. Markmiðið með þessum hópi er að fá fólk til skrafs og ráðagerða um flokkunar- og endurvinnslumál.   Hugmyndin er að þannig geti orðið skapandi umræða í hópnum um þessi mál, sem ætti að vera öllum til góðs.