Seyra ehf stendur fyrir stofnun hóps áhugafólks meðal almennings í Fjallabyggð.
Markmiðið með þessum hópi er að fá fólk til skrafs og ráðagerða um flokkunar- og endurvinnslumál. Hugmyndin er að þannig geti orðið skapandi umræða í hópnum um þessi mál, sem ætti að vera öllum til góðs.
Þarna mun því fólki sem vill skrá sig, gefast tækifæri til að láta í ljós skoðanir sínar og koma með hugmyndir og tillögur.
Fólk sem hefur skráð sig mun fá tölvupóst um framvindu mála hjá Seyru, og vera með í umræðunni um hvernig þessi mál eru að þróast. Vonast er eftir góðri þátttöku íbúa Fjallabyggðar.