Fréttir

Alls komu 4.240 ferðamenn í Upplýsingamiðstöðvar Fjallabyggðar á árinu 2017. Þar af komu 3.805 ferðamenn á Upplýsingamiðstöðina á Siglufirði og er það ríflega 73% aukning frá árinu 2016. 435 ferðamenn komu á Upplýsingamiðstöðina í Ólafsfirði og er það ríflega 39% aukning frá árinu 2016. Sjá má að ferðamannastraumur til Fjallabyggðar hefur samkvæmt þessu aukist gífurlega.

Árlegir Vetrarleikar UÍF verða haldnir 7. og 8. apríl nk. Sem fyrr munu íþrótta- og ungmennafélögin í Fjallabyggð bjóða upp á fjölbreytta hreyfingu og viðburði þar sem allir ættu að finna eitthvað við sitt hæfi.

Í sumar verður ráðist í 1. áfanga endurgerðar á skólalóð Grunnskóla Fjallabyggðar í Ólafsfirði. Á meðfylgjandi mynd má sjá hvernig endurgerð skólalóðarinnar er skipt í þrjá áfanga. Í fyrsta áfanga, sem afmarkaður er með appelsínugulri punktalínu á myndinni er áætlað að endurgera svæðið næst skólahúsinu að framan og norðan að íþróttahúsi. Áfangi 2 er merktur með gulri punktalínu og síðasti áfanginn, áfangi 3 með rauðri.

Taktu þátt í þróun á upplifunum í apríl með Blue Sail! Í apríl verða haldnar vinnustofur með breska ráðgjafafyrirtækinu Blue Sail. Skráning fer fram á heimasíðu MN og hefst þriðjudaginn 27. mars. Við viljum þróa það besta sem völ er á þegar kemur að upplifun ferðamanna, þar á meðal þeim sem tengjast mat og matargerð.

Laugardaginn 31. mars 2018 kl. 13:00 – 16:00 verður hægt að kjósa á 2. hæð í Ráðhúsinu á Siglufirði og Bókasafninu á Ólafsvegi 4, Ólafsfirði. Frá og með 3. apríl verður hægt að kjósa utan kjörfundar í bókasöfnunum á eftirfarandi tíma, Bókasafnið Siglufirði virka daga frá kl. 9:00 - 12:00 og 13:00 - 17:00. Bókasafnið Ólafsfirði virka daga frá kl. 9:00 - 12:00 og 13:00 - 17:00.

Samanburður á kennsluskipulagi fyrir og eftir nýja fræðslustefnu 2017

Frístund er samstarfsverkefni grunnskólans, íþróttafélaga í Fjallabyggð og Tónlistarskólans á Tröllaskaga.

Kynningarfundur vegna tillögu að deiliskipulagi malarvallarins og breytingu á Aðalskipulagi Fjallabyggðar 2008-2028, verður haldinn í bæjarstjórnarsal Ráðhúss Fjallabyggðar á Siglufirði þriðjudaginn 3. apríl kl. 17:00.

Það verður líf og fjör í Fjallabyggð um páskahátíðina. Listsýningar, tónleikar, dansleikir, fjölbreytt skemmtun og síðast en ekki síst nægur snjór og skemmtilegheit á skíðasvæðunum. Það ættu allir að geta fundið eitthvað við sitt hæfi í Fjallabyggð yfir páskana.

158. fundur Bæjarstjórnar Fjallabyggðar verður haldinn í Ráðhúsi Fjallabyggðar, Gránugötu 24, Siglufirði, miðvikudaginn 28. mars 2018 og hefst kl. 12:15