Fréttir

Danski tónlistarmaðurinn Rune Thorsteinsson heimsótti Grunnskóla Fjallabyggðar í dag 13. september í tengslum við verkefnið List fyrir alla og fengu nemendur Grunnskólans að klappa, stappa og músísera með Rune.

149. fundur bæjarstjórnar Fjallabyggðar verður haldinn í Ráðhúsi Fjallabyggðar Siglufirði 13. september 2017 kl. 17.00

Nemendur og starfsfólk Grunnskólans á Norðurgötu á Siglufirði glöddust og sameinuðust í stórum vinahring á skólalóðinni í dag 8. september þegar nýtt leiktæki var formlega tekið í notkun.

Í tilefni alþjóðadags sjálfsvígsforvarna, verður kyrrðar- og tónlistardagskrá í Ólafsfjarðarkirkju sunnudaginn 10. september nk. kl. 20:00

Sigurður lætur af störfum hjá Fjallabyggð eftir 38 ára samfellt starf en hann kom fyrst til starfa árið 1979. Hann vann um tíma eða í níu ár sem yfirmaður félagsmiðstöðvar á vetrum og yfirmaður vinnuskóla á sumrin.

Sunnudaginn 10. september nk. verða tveir viðburðir í Alþýðuhúsinu á Siglufirði. Steingrímur Eyfjörð opnar sýningu í Kompunni kl. 14.00 og kl. 15.00 verður Margrét Elísabet Ólafsdóttir með erindi á “Sunnudagskaffi með skapandi fólki”.

MÁLSTOFA Í HOFI UM ÁBYRGA FERÐAÞJÓNUSTU Fréttir 31.08.2017 Málstofa í Hofi um ábyrga ferðaþjónustu Í tengslum við verkefnið „Ábyrg ferðaþjónusta" verður haldin málstofa í Hamraborg í Hofi þann 8. september næstkomandi, klukkan 14-16. Málstofan er haldin í samstarfi við Markaðsstofu Norðurlands, en að verkefninu standa FESTA og Íslenski ferðaklasinn. Málstofan er fyrir alla þá sem hafa eitthvað með þróun og uppbyggingu ferðaþjónustu að gera, hvort sem það eru fyrirtæki, íbúar, menntastofnanir eða opinberir aðilar. Dagskrá: Ávarp frá Unni Valborgu Hilmarsdóttur, formanns Ferðamálaráðs Íslands og Markaðsstofu Norðurlands Erindi: Greining á beinum opinberum tekjum og gjöldum, Haraldur Ingi Birgisson, Deloitte. Frá sjónarhóli íbúa - Guðrún Þóra Gunnarsdóttir, Rannsóknarmiðstöð ferðamála. Áhrif ferðaþjónustu í nærsamfélagi - Róbert Guðfinnsson, Siglufirði Samantekt og lokaorð - Matthías Rögnvaldsson, forseti bæjarstjórnar Akureyrar.

Stýrihópurinn fyrir verkefnið Arctic Coast Way hefur nú verið stækkaður úr 6 meðlimum í 17 og er vinna hafin við annan áfanga verkefnisins. Sótt hefur verið um aukið fjármagn i hina ýmsu sjóði og mun því verkefnið fara á flug inn í næsta áfanga. Aðilar í stýrihópnum koma nú frá öllum þeim svæðum sem ferðamannavegurinn nær til og þeir starfa á mörgum sviðum sem snerta verkefnið.

Lýðheilsugöngur Ferðafélags Íslands verða á öllu landinu og eru einn af hápunktunum í glæsilegri afmælisdagskrá FÍ en félagið fagnar 90 ára afmæli á árinu. Þetta eru fjölskylduvænar göngur sem taka u.þ.b. 60-90 mínútur og er tilgangur þeirra að hvetja fólk til útivistar og hreyfingar í góðum félagsskap og efla þar með heilsu sína og lífsgæði.

Vakin er athygli á því að örlítil lagfæring verður gerð á brottfarartíma skólarútunnar frá Siglufirði og gildir hún frá og með deginum í dag 4. september. Frá Siglufirði kl. 13.40 í stað 13:35 og frá Siglufirði kl. 14:45 í stað 14:40 eins og auglýst hefur verið. Engar aðrar lagfæringar eru á tímatöflu skólarútunnar.