Fréttir

Gospelkór Akureyrar ásamt systrunum Ragnhildi Sigurlaugu og Sigurbjörgu Svandísi Guttormsdætrum frá Grænumýri verða með tónleika í Siglufjarðarkirkju laugardaginn 27. febrúar kl. 20:00. Stjórnandi er Heimir Ingimarsson

Laugardagskvöldið 27. feb. kl. 20:00 mun ljóðahópurinn Hási Kisi og gestur, vera með ljóðaupplestur í Alþýðuhúsinu á Siglufirði.

Þriðjudagskvöldið 22. febrúar var undankeppni Stóru upplestrarkeppninnar haldin í skólahúsinu við Tjarnarstíg en það er 7. bekkur sem tekur þátt í þeirri keppni.

Uppbyggingarsjóður Norðurlands eystra auglýsir eftir umsóknum um styrki til atvinnuþróunar og nýsköpunar.

Ást gegn hatri er yfirheitið á fyrirlestrum þeirra feðgina Selmu Bjarkar og Hermanns Jónssonar en þau ætla að heimsækja Fjallabyggð 25. og 26. febrúar.

Þá er komið að lokahelgi Skammdegishátíðar í Fjallabyggð. Nú nær dagskráin frá fimmtudegi til sunnudags. Sýningarstaðir eru MTR, Listhúsið, Norlandia, Menningarhúsið Tjarnarborg, Kaffi Klara og litlu húsin á móti Kaffi Klöru.

Á fundi markaðs- og menningarnefndar á mánudaginn lagði Hrönn Hafþórsdóttir forstöðukona bóka- og héraðsskjalasafns Fjallabyggðar fram ársskýrslu fyrir árið 2015.

Fyrsta apríl lætur Örlygur Kristfinnsson af starfi sem safnstjóri Síldarminjasafns Íslands, en því hefur hann gegnt í 20 ár. Á fundi stjórnar safnsins í síðustu viku var samþykkt að Anita Elefsen tæki við af honum. Síðustu fimm ár hefur hún gegnt hlutverki rekstrarstjóra safnsins.

Það var líf og fjör í Fjallabyggð í gær þegar börn og ungmenni klæddu sig upp í hina ýmsu búninga í tilefni af Öskudeginum. Samkvæmt hefð gengu börnin í verslanir og fyrirtæki og sungu fyrir starfsfólk í von um að fá góðgæti fyrir.

Bæjarstjórn Fjallabyggðar tekur undir bókun bæjarstjórnar Akureyrar sem samþykkt var þann 2. febrúar sl., þar sem skorað er á ríkisstjórn Íslands og borgarstjórn Reykjavíkur að tryggja óskerta starfsemi Reykjavíkurflugvallar, a.m.k. þar til að jafngóð eða betri lausn finnst svo ekki verði dregið úr öryggi íbúa landsbyggðanna.