Fréttir

Hafin er vinna við deiliskipulag Leirutanga, sem er landfylling á leirunum austan Snorragötu á Siglufirði. Stefnt er að því að núverandi tjaldsvæði í miðbæ Siglufjarðar verði lagt niður og nýtt svæði byggt upp á Leirutanga auk þess sem þar verði gert ráð fyrir athafnalóðum, útivistarsvæði og friðlandi fugla.

Í byrjun janúar var auglýst á heimasíðu Fjallabyggðar eftir viðburðum í bæjarfélaginu á þessu ári. Búið er að taka saman alla innsenda viðburði í eitt skjal, Viðburðadagatal Fjallabyggðar. Hægt er að nálgast viðburðadagatalið hér á heimasíðunni undir útgefið efni.

Viðbragðsaðilar í Fjallabyggð halda upp á 112 daginn, í dag, miðvikudaginn 11. febrúar. Í tilefni dagsins verður sýning á tækjum og tólum sjúkraflutninga, björgunarsveita og Slökkviðliðs Fjallabyggðar, sjúkraflutninga og björgunarsveita milli kl. 16:00 - 18:00. Í Ólafsfirði við slökkvistöðina og Sandhól. Á Siglufirði við slökkvistöðina.

Mennta- og menningarmálaráðuneytið hefur birt niðurstöðu úttektar á Menntaskólanum á Tröllaskaga.

Í dag, þann 10. febrúar, er alþjóðlegi netöryggisdagurinn. Þemað í ár er „Gerum netið betra saman“ og munu yfir 100 þjóðir um allan heim standa fyrir skipulagðri dagskrá þennan dag.

Samkvæmt sorphirðudagatali Fjallabyggðar á að tæma Grænu tunnuna á Siglufirði í dag og á morgun. Vegna veðurs færist sorphirða aftur um einn dag og verður því 10. og 11. febrúar. Af þessum sökum færist sorphirða í Ólafsfirði einnig til og verður Græna tunnan hjá Ólafsfirðingum tæmd 12. og 13. febrúar.

Umfangsmikil rannsókn á svefnvenjum Íslendinga og tengslum við heilsufar og lífsgæði er hafin. Að henni stendur þverfaglegt teymi sálfræðinga, lyfjafræðinga og lífeðlisfræðinga við Háskóla Íslands. Bréf hafa verið send til 10 þús. einstaklinga, sem voru valdir af handahófi úr þjóðskrá. Þátttaka felst í því að svara spurningalista rafræn en til þess að rannsóknin skili árangri er mikilvægt að sem flestir taki þátt.

112. fundur bæjarstjórnar Fjallabyggðar verður haldinn í Ráðhúsi Fjallabyggðar Gránugötu 24, Siglufirði 11. febrúar 2015 kl. 17.00

Á fundi markaðs- og menningarnefndar Fjallabyggðar þann 5. febrúar lagði forstöðumaður bókasafnsins, Hrönn Hafþórsdóttir, fram árskýrslu 2014 fyrir bóka- og héraðsskjalasafnið ásamt upplýsingamiðstöðina á Siglufirði.

Þann 6. febrúar er Dagur leikskólans haldinn hátíðlegur í áttunda sinn, en þann dag árið 1950 stofnuðu leikskólakennarar fyrstu samtök sín. Dagur leikskólans er samstarfsverkefni Félags leikskólakennara, Félags stjórnenda leikskóla, ráðuneytis mennta- og menningarmála, Sambands íslenskra sveitarfélaga og Heimilis og skóla. Tilgangurinn er að auka jákvæða umræðu um leikskólann, vekja umræðu um hlutverk leikskóla og starf leikskólakennara og kynna starfsemina út á við.