Fréttir

Í gær, fimmtudaginn 10. desember, var undirritaður samningur á milli Fjallabyggðar og Ísar ehf. vegna endurbyggingu á Bæjarbryggju á Siglufirði. Það voru þeir Gunnar I. Birgisson bæjarstjóri og Stefán Guðjónsson forstjóri Ísar ehf sem skrifuðu undir samninginn í Ráðhúsi Fjallabyggðar.

Föstudaginn 11. desember verður sannkölluð jólastemmning í miðbæ Ólafsfjarðar og hefst hún kl. 20:00 og verður fram eftir kvöldi. Þá verður hluta Aðalgötunar lokað og hún gerð að göngugötu.

Nú í desember hefur Grunnskóli Fjallabyggðar verið í samstarfi við Önnu Hermínu Gunnarsdóttur með innpökkun á jólagjöfum sem hún hefur safnað til að gefa bágstöddum börnum á Íslandi.

Samtök iðnaðarins efna til opins fundar um íbúða- og atvinnumarkað fimmtudaginn 10. desember kl. 16.00 – 18.00 á Hótel KEA. Á fundinum verður ný greining SI á íbúðamarkaði kynnt, þar sem m.a. er lagt mat á þörf fyrir íbúðir og að hversu miklu leyti framboð íbúða mætir henni. Einnig verður horft til atvinnumarkaðarins á Norðurlandi í breiðu samhengi.

Olga Vocal Ensemble ætlar að syngja jólin inn í ár. Þetta verður í fyrsta skipti sem Olga heldur tónleika á Íslandi yfir jólahátíðina og hún getur ekki beðið að deila þeirri upplifun með ykkur. Olga mun flytja jólalög úr öllum áttum.

Samkvæmt veðurspá má búast við að óveðrið skelli á Fjallabyggð upp úr kl. 18:00 í dag. Eru íbúar hvattir til að fergja allt lauslegt á lóðum sínum og koma ruslatunnum í gott skjól. Almannavarnir hafa lýst yfir óvissustigi á öllu landinu þannig að það er betra að hafa vaðið fyrir neðan sig og setja öryggið á oddinn þannig að skaðinn verði sem minnstur.

Vegna yfirvofandi óveðurs sem ganga á yfir landið síðar í dag hefur Strætó tilkynnt að Leið 78, frá Sigluf­irði kl.15:00 á Ak­ur­eyri og frá Ak­ur­eyri kl.16:30 að Sigluf­irði falli niður.

Jólatónleikar Tónskóla Fjallabyggðar verða í Tjarnarborg þriðjudaginn 8. desember kl. 19:00 og í Siglufjarðarkirkju miðvikudaginn 9. desember kl. 18:00. Fram koma nemendur og kennarar tónskólans með skemmtilega jóladagskrá.

Þann 16. október sl. var auglýst laust til umsóknar nýtt starf deildarstjóra fræðslu- frístunda- og menningarmála. Alls sóttu 9 einstaklingar um starfið.

Félagarnir á skíðasvæði Siglufjarðar, Skarðsdal, hafa ákveðið að opna skíðasvæðið í dag frá kl 13:00 - 18:00. Búið var að auglýsa formlega opnun laugardaginn 5. desember en veðurspá fyrir morgundaginn er ekki góð.