Skipulags- og umhverfisnefnd Fjallabyggðar

Undir þessum lið mættu íbúar sem höfðu óskað eftir að mæta á fund nefndarinnar vegna yfirstandandi grenndarkynningar fyrirhugaðra byggingaráforma við Gránugötu 12.

Þann 3. apríl sl. fór fram kynningarfundur á tillögu að breyttu aðalskipulagi við malarvöllinn á Siglufirði þar sem landnoktunarflokkurinn íbúðarsvæði kemur í stað miðsvæðis. Lagður fram breytingaruppdráttur dags. 3. október 2017.

Þann 3. apríl sl. fór fram kynningarfundur á tillögu að deiliskipulagi malarvallarins á Siglufirði. Þar komu fram athugasemdir sem tekið var tillit til við vinnslu tillögunnar. Lagður fram skipulags- og skýringaruppdráttur dags. 6. apríl 2018 ásamt greinargerð.

Skipulagslýsing vegna breytinga á aðalskipulagi við Kleifar í Ólafsfirði, var auglýst með athugasemdafresti til 9. apríl 2018. Umsögn barst frá Minjastofnun dags. 26. mars 2018, Skipulagsstofnun dags. 5.apríl 2018 og frá Vegagerðinni dags. 10. apríl 2018.
Nefndin lagði mat á þá skipulagskosti sem taldir eru upp í skipulagslýsingunni og mat áhrif þeirra á ýmsa þætti.

Lögð fram umsókn dags. 9. apríl 2018 þar sem Kristinn E. Hrafnsson sækir um byggingarlóð við Kirkjuveg 4 fyrir einbýlishús. Einnig lögð fram drög að lóðarleigusamning og lóðarblaði.

Lögð fram umsókn dags. 20. febrúar 2018 þar sem Guðrún H. Gunnarsdóttir og Haraldur Dean Nelson sækja um byggingarleyfi fyrir viðbyggingu við sumarhús þeirra að Neskoti í Ólafsfirði. Einnig lagðir fram aðaluppdrættir og umsögn Fiskistofu.

Lögð fram umsókn dags. 5. apríl 2018 þar sem L-7 verktakar f.h. Ástu Margrétar Gunnarsdóttur óska eftir leyfi til að byggja nýjan uppgang ásamt palli við inngang á vesturhlið hússins skv. meðfylgjandi ljósmynd.

Lögð fram umsókn dags. 5. apríl 2018 þar sem L-7 verktakar f.h. Katrínar Freysdóttur og Heimis Birgissonar óska eftir leyfi til að byggja nýjan uppgang ásamt palli við inngang á vesturhlið hússins skv. meðfylgjandi ljósmynd.

Lagt fram erindi dags. 20. febrúar 2018 þar sem Örn Franzson f.h. Olíuverslunar Íslands óskar eftir heimild til að setja niður 50 KW hraðhleðslustöð á lóð sinni Tjarnargötu 6 Siglufirði.

Lagt fram erindi dags. 27. mars 2018 þar sem Jón Hilmarsson f.h. Mílu sækir um leyfi vegna framkvæmda sem ráðast þarf í til að koma ljósneti til allra íbúa á Siglufirði.

Lagður fram lóðarleigusamningur og lóðarmarkayfirlýsing vegna stækkunar lóðarinnar Vetrarbraut 8-10.

Lagt fram erindi dags. 6. mars 2018 þar sem kvenfélagið Æskan Ólafsfirði óskar eftir að fá til umráða lóðarreit á horni Aðalgötu og Strandgötu gegnt Pálshúsi og Kaffi Klöru. Fyrirhugað er að setja upp minningarstein með áritaðri koparplötu í tilefni 100 ára afmælis kvenfélagsins á síðasta ári. Einnig er hugmynd að fegra umhverfið um minningarsteininn enn frekar með fallegum blómakerum og jafnvel bekk.

Lagt fram erindi dags. 27. mars 2018 þar sem Anna Hulda Júlíusdóttir óskar eftir heimild til að mála gangsétt við Suðurgötu 6 fyrir framan verslunina Hjarta bæjarins í tengslum við glugga útstillingar.

Lögð fram fyrirspurn dags. 9. apríl 2018 þar sem Anna Hermína Gunnarsdóttir óskar eftir upplýsingum um fyrirhugaðar breytingar á útisvæði við sundlaug Fjallabyggðar á Siglufirði og fyrirhugaða staðsetningu á gufubaði við sundlaug Fjallabyggðar í Ólafsfirði.