Bæjarráð Fjallabyggðar

Bæjarráð samþykkir samhljóða að kjörstaðir við Alþingiskosningar 30. nóvember 2024 verði eftirfarandi: Ráðhús Fjallabyggðar á Siglufirði og húsnæði Menntaskólans á Tröllaskaga í Ólafsfirði.

Með fundarboði fylgdu drög að samningi (endurnýjun) við Orkusöluna um raforkusölu. Gildistími samningsins er frá 1.1.2025 til og með 31.12.2029.

Á 315.fundi skipulags- og umhverfisnefndar var tekið fyrir erindi Helgu Guðrúnar Sigurgeirsdóttur um öryggi í sleðabrekku. Nefndin vísaði fjármögnun verkefnisins til bæjarráðs.

Með fundarboði bæjarráðs fylgdi erindi slökkviliðsstjóra um afnot slökkviliðs af húsnæði sveitarfélagsins við Siglufjarðarflugvöll.

Með fundarboði bæjarráðs fylgdi erindi samráðshóps um skeldýrarækt sem býður Fjallabyggð að eiga aðild að meðfylgjandi minnisblaði til fjárlaganefndar Alþingis um fjárframlög úr ríkissjóði til að byggja upp kræklingarækt á Íslandi.

Með fundarboði bæjarráðs fylgdi erindi Hilmars Daníels Valgeirssonar til bæjarráðs varðandi Aðalgötu 6b.

Nú er búið að opna fyrir skráningar á Mannamót Markaðsstofa landshlutanna, sem verða haldin í Kórnum í Kópavogi fimmtudaginn 16. janúar 2025 frá klukkan 12 til 17.

Mannamót er fjölmennasti viðburðurinn í íslenskri ferðaþjónustu þar sem rúmlega þúsund gestir hafa mætt og sýnendur verið um 250 talsins. Tilgangur Mannamóta er að kynna landsbyggðarfyrirtæki fyrir ferðaþjónustufólki sem staðsett er á höfuðborgarsvæðinu.

Með fundarboði bæjarráðs fylgdi fundargerð haustfundar almannavarnanefndar í umdæmi Lögreglustjórans á Norðurlandi eystra sem haldinn var miðvikudaginn 16.10.2024 í húsakynnum AST á Húsavík.

Með fundarboði bæjarráðs fylgdi fundargerð Svæðisskipulagsnefndar Eyjafjarðar frá 20. september 2024.

Með fundarboði bæjarráðs fylgdu fundargerðir 1.-6. verkfunda L-7 ehf. og Leyningsáss.