Bæjarráð Fjallabyggðar

Deildarstjóri tæknideildar mætti til fundar og fór yfir stöðu verkefna á deildinni.

Lagt fram minnisblað deildarstjóra tæknideildar vegna kostnaðarmats við færslu á ærslabelg af lóðinni Lækjargötu 5.

Lögð fram eftirlitsskýrsla Vinnueftirlitsins vegna eftirlitsheimsóknar þann 7. mars 2023.

Lagt fram minnisblað deildarstjóra tæknideildar þar sem óskað er eftir heimild bæjarráðs til þess að halda lokað útboð á verkefninu "Vallarbraut, gatnagerð og veitur".

Markaðs- og menningarnefnd hefur unnið drög að reglum um úthlutun styrkja til menningartengdra skyndiviðburða. Drögum að reglum er vísað til umfjöllunar í bæjarráði og samþykktar bæjarstjórnar.

Lagt fram erindi deildarstjóra félagsmáladeildar og hjúkrunarforstjóra Hornbrekku, þar sem upplýst er um verulegt tjón á þjónustubifreið Hornbrekku.

Lagt fram dreifibréf Sambands íslenskra sveitarfélaga þar sem vakin er athygli á röð kannana sem sambandið hefur sett á fót til að kanna stöðu innleiðingar á nýju hringrásarlögunum.

Fundargerð aðalfundar Leyningsáss 2023 og ársreikningur fyrir 2022 lagt fram til kynningar.

Samband íslenskra sveitarfélaga vill benda á að Orkustofnun hvetur til umhverfisvænnar orkuöflunar við húshitun og bæta orkunýtni í rafhitun á landinu.

Með breytingum á lögum um niðurgreiðslur húshitunarkostnaðar var opnað á möguleika ríkisins til að taka þátt í stofnkostnaði við umhverfisvæna orkuöflun sem dregur úr rafhitun eða olíukyndingu.

Velferðarnefnd Alþingis sendir til umsagnar tillögu til þingsályktunar um aðgerðaráætlun um þjónustu við eldra fólk fyrir árin 2024-2028, 860. mál. Þess er óskað að undirrituð umsögn berist eigi síðar en 12. apríl nk.

Velferðarnefnd Alþingis sendir til umsagnar frumvarp til laga um breytingu á lögum um fjöleignarhús, nr. 26/1994 (gæludýrahald), 80. mál. Þess er óskað að undirrituð umsögn berist eigi síðar en 12. apríl nk.

Atvinnuveganefnd Alþingis sendir til umsagnar tillögu til þingsályktunar um landbúnaðarstefnu til ársins 2040, 914. mál. Þess er óskað að undirrituð umsögn berist eigi síðar en 17. apríl nk.

Atvinnuveganefnd Alþingis sendir til umsagnar tillögu til þingsályktunar um matvælastefnu til ársins 2040, 915. mál. Þess er óskað að undirrituð umsögn berist eigi síðar en 17. apríl nk.

Stjórn SSNE boðar hér með til ársþings á Siglufirði.
Dagskrá hefst kl. 11.00, þingið verður sett kl. 12.30 föstudaginn 14. apríl og lýkur kl. 12.00 laugardaginn 15. apríl.

Þingið er opið öllum þó aðeins þingfulltrúar hafi rétt til greiðslu atkvæða og SSNE hvetur allt sveitarstjórnarfólk í landshlutanum til að mæta.

Fundargerð 109. fundar Moltu lögð fram til kynningar.

Fundargerðir 26. fundar stýrihóps um heilsueflandi samfélag, 297. fundar skipulags- og umhverfisnefndar, 124. fundar fræðslu- og frístundanefndar og 97. fundar markaðs- og menningarnefndar lagðar fram til kynningar.