Pop-up viðburðir 2023, reglur og úthlutanir

Markaðs- og menningarnefnd felur markaðsfulltrúa að gera drög að reglum um pop-up styrki og umsóknareyðublað og leggja fyrir nefndina til umfjöllunar.

Markaðs- og menningarnefnd hefur unnið drög að reglum um úthlutun styrkja til menningartengdra skyndiviðburða. Drögum að reglum er vísað til umfjöllunar í bæjarráði og samþykktar bæjarstjórnar.

Bæjarráð leggur til eftirfarandi breytingar á reglunum og vísar þeim til markaðs- og menningarnefndar til umfjöllunar.

a.
Sett verði fjárhæðamörk á hvaða mál þurfi að fara fyrir markaðs- og menningarnefnd. Hærri fjárhæðir fari því fyrir nefndina en lægri fjárhæðir verði afgreiddar beint af bæjarstjóra og/eða deildarstjóra fræðslu-, frístunda- og menningarmála.
b.
Reglurnar verði útvíkkaðar þannig að auka meiri sveigjanleika fyrir aðila sem vilja halda pop-up viðburði.

Markaðs- og menningarnefnd hefur endurskoðað og einfaldað reglur um úthlutun styrkja til skyndiviðburða. Nefndin vísar drögum að endurskoðuðum reglum til afgreiðslu bæjarstjórnar.

Til máls tók S. Guðrún Hauksdóttir.
Bæjarstjórn samþykkir reglurnar með þeim breytingum sem samþykktar voru á fundinum. Skerpa betur á ákvörðunum og afgreiðslu umsókna. Bæjarstjóri ásamt deildarstjóra fræðslu- frístunda- og menningarmála hafi fullnaðarafgreiðslu á málum.
Samþykkt samhljóða með 7 atkvæðum.