Húsnæði Neon

Lögð fram drög að kaupsamningi vegna annarrar hæðar fasteignarinnar Suðurgötu 4, Siglufirði, eignarhluti 01-0201 sem ætluð er undir starfssemi félagsmiðstöðvarinnar Neon.

Einnig eru lögð fram drög að eignaskiptasamningi vegna sömu eignar.

Bæjarráð samþykkir drögin með tveimur atkvæðum og felur bæjarstjóra að undirrita framlögð skjöl fyrir hönd sveitarfélagsins.

Nanna Árnadóttir I-lista situr hjá við afgreiðslu málsins.

Teikningar af framkvæmdum við nýtt húsnæði Neon lagðar fram til kynningar. Ungmennaráð fagnar framkvæmdunum og þeim framfarasporum sem stigin eru í starfi með unglingum í Fjallabyggð. Ungmennaráð vill bjóða Neonráði á næsta fund til að hugstorma um starf og aðbúnað í Neon þegar að nýtt húsnæði hefur verið tekið í notkun.

Fundarmenn skoðuðu nýtt húsnæði Neon, að Suðurgötu 2-4 Siglufirði. Í kjölfarið var umræða um aðbúnað og annað í húsnæðinu, hvað er til og hvað er þörf á að endurnýja.

Fræðslu- og frístundanefnd fór í skoðunarferð í nýtt húsnæði félagsmiðstöðvarinnar, Suðurgötu 2-4 Siglufirði. Deildarstjóri fræðslu-, frístunda- og menningarmála fór yfir stöðu framkvæmda í húsnæðinu. Framkvæmdum er ekki lokið og harmar fræðslu- og frístundanefnd það, en verklok voru áætluð fyrir skólabyrjun. Það verður því töf á upphafi starfs í félagsmiðstöðinni og vill nefndin biðja nemendur á unglingastigi grunnskólans afsökunar á því. Vonandi mun framkvæmdum ljúka sem allra fyrst.

Bæjarráð harmar að opnun Neon hafi dregist. Bæjarráð leggur áherslu á að opnun Neon verði flýtt eins og kostur er.

Ungmennaráð skoðaði nýtt húsnæði Neons að Suðurgötu 4. Ákveðið að taka umræðu um starfsemi félagsmiðstöðvarinnar á næsta fundi.