Markaðsherferð vegna atvinnu- og íbúaþróunar

Lögð fram aðgerðaráætlun auglýsingastofunnar Pipars/TBWA dags. 06.07.2020 vegna markaðsherferðar sveitarfélagsins vegna atvinnu- og íbúaþróunar.

Bæjarráð óskar eftir umsögn deildarstjóra fræðslu-, frístunda- og menningarmála og markaðs- og menningarfulltrúa vegna kynningarherferðar fyrir ferðamenn sem nú er komin í kynningu svo og hvernig fyrirhugaðri vinnu og utanumhaldi við markaðsherferð vegna atvinnu- og íbúaþróunar verður háttað af hálfu sveitarfélagsins.

Lögð fram aðgerðaráætlun auglýsingastofunnar Pipars/TBWA dags. 06.07.2020 varðandi markaðsherferð sveitarfélagsins í atvinnu- og íbúaþróun. Einnig lagt fram vinnuskjal deildarstjóra fræðslu-, frístunda- og menningarmála vegna kynningarherferðar fyrir ferðamenn sem nú er komin í kynningu.

Bæjarráð samþykkir að ganga til samninga við auglýsingastofuna Pipar/TBWA vegna markaðsherferðar sveitarfélagsins í atvinnu- og íbúaþróun og felur deildarstjóra að vinna málið áfram.

Lögð fram kynning auglýsingastofunnar Pipar/TBWA á fyrirkomulagi markaðsherferðar í íbúa- og atvinnuþróunarmálum en markmið herferðarinnar er að fjölga íbúum og laða að störf í bæjarfélaginu.

Einnig lögð fram drög að samningi við Pipar/TBWA.

Bæjarráð samþykkir að fela deildarstjóra fræðslu-, frístunda- og menningarmála að vinna málið áfram og leggja fyrir bæjarráð í samræmi við áður ákveðið fjármagn til markaðsátaks.

Á 666. fundi bæjarráðs fól ráðið deildarstjóra fræðslu-, frístunda- og menningarmála að vinna að samningi við Pipar/TBWA vegna markaðsátaks í atvinnu- og íbúaþróun í samræmi við áður ákveðið fjármagn til markaðsmála.
Lagt fram vinnuskjal deildarstjóra fræðslu-, frístunda- og markaðsmála, dags. 10.09.2020 þar sem fram kemur að deildarstjóri mælir með að gengið verði til samninga við Pipar/TBWA. Kostnaður kr. 5.000.000 auk vsk. rúmast innan gildandi fjárhagsáætlunar 2020.

Bæjarráð samþykkir að fela deildarstjóra fræðslu-, frístunda- og menningarmála að undirrita samning fyrir hönd sveitarfélagsins.
Kostnaður 5 mkr. verður bókaður á málafl. 21550 og lykil 4915 og með viðauka nr. 24/2020 við fjárhagsáætlun 2020 sem ekki hreyfir handbært fé og verði gerð millifærsla í áætlun:
Til lækkunar á málafl. 05700, lykill 4990 kr. 1.000.000.
Til lækkunar á málafl. 05730, lykill 9291 kr. 1.000.000
Til lækkunar á málafl. 05810, lykill 9291 kr. 1.600.000.

Gestir fundarins voru Kristján Einar Kristjánsson og Darri Johansen frá Pipar/TBWA og kynntu þeir hugmynd að markaðsátaki vegna atvinnu- og íbúaþróun Fjallabyggðar. Markaðs- og menningarnefnd þakkar þeim Kristjáni Einari og Darra fyrir góða og skýra kynningu og líst vel á þær hugmyndir sem þeir kynntu.

Fjallabyggð gerði á síðasta ári samning við auglýsingastofuna Pipar/TBWA um gerð markaðsefnis fyrir atvinnu- og íbúaþróun undir heitinu Fjallabyggð fagnar þér. Fulltrúar auglýsingastofunnar komu til Fjallabyggðar í síðasta mánuði til að safna upplýsingum og myndefni. Afrakstur ferðarinnar birtist meðal annars í nokkrum stuttum myndböndum. Markaðs- og menningarnefnd er meðal þeirra sem hefur verið falið að rýna þau. Nefndin fór yfir myndböndin og tók saman athugasemdir sem verða sendar Pipar/TBWA.

Gestur fundarins er Kristján Einar Kristjánsson fulltrúi Pipar/TBWA auglýsingasofu. Kristján Einar kynnti vef nýs íbúa- og atvinnuþróunarverkefnis sem Pipar/TBWA hefur unnið fyrir Fjallabyggð. Markaðs- og menningarnefnd þakkar Kristjáni Einari fyrir góða kynningu.