Fréttir

Í tengslum við Local Food sýninguna sem haldin verður í Íþróttahöllinni á Akureyri laugardaginn 17. október nk. verður haldið málþing á Dalvík um matartengda ferðaþjónustu.

riðjudaginn 13. október milli kl. 15:00 - 18:00 verður sýning í Listhúsinu Ólafsfirði sem ber yfirskriftina dog - surrounding - ten steps.

Á fundi markaðs- og menningarnefndar þann 8. október var lögð fram skýrsla og reikningar fyrir Síldarævintýrið 2015. Í skýrslunni kemur fram að hátíðarhöldin hafi tekist vel og er áætlað að um 3.000 gestir hafi verið á hátíðinni.

Á fundi markaðs- og menningarnefndar Fjallabyggðar í gær, 8. október, lagði Hrönn Hafþórsdóttir forstöðumaður bóka- og héraðsskjalasafnsins fram upplýsingar um komur ferðamanna á upplýsingamiðstöðvar Fjallabyggðar en þær eru starfræktar í húsnæði bókasafnanna.

Á aukafundi Bæjarstjórnar Fjallabyggðar sem haldin var í gær, miðvikudag, var borin fram ósk Magnúsar S. Jónassonar um lausn frá störfum það sem eftir er af kjörtímabilinu. Magnús sem leiddi F-listann, Fjallabyggðarlistann fyrir síðustu kosningar, hefur m.a. verið í embætti forseta bæjarstjórnar.

Vakin er athygli á því að aukafundur bæjarstjórnar sem haldinn verður í dag fer fram í Ráðhúsi Fjallabyggðar kl. 16:00 en ekki í Tjarnarborg kl. 17:00 eins og auglýst var í gær.

Á fundi bæjaráðs í gær, þriðjudaginn 6. október, var til umfjöllunar tilboð í endurgerð grjótdrens norðan við Stóra Bola. Tilboðin voru opnuð föstudaginn 2. október sl. og bárust tvö tilboð. Frá Bás ehf. upp á 1.432.000 kr. og frá Smára ehf. að upphæð 2.170.000 kr.

Frá 1. janúar hafa 21.000 gestir sótt Síldarminjasafnið heim, sem er töluverð aukning frá því sem áður hefur verið, en frá árinu 2011 hafa gestir verið á bilinu 17 – 20.000 á ári.

Boðað er til aukafundar í bæjarstjórn Fjallabyggðar

Laugardaginn 10. okt. kl. 21:00 verða Ómar Guðjónsson og Tómas R. Einarsson með tónleika í Alþýðuhúsinu á Siglufirði. Allir velkomnir á meðan húsrúm leyfir.