Fréttir

Brynja Baldursdóttir var útnefnd bæjarlistamaður Fjallabyggðar árið 2023, við hátíðlega athöfn fimmtudaginn 16. febrúar sl. í Menningarhúsinu Tjarnarborg í Ólafsfirði. Er það 14. árið sem Fjallabyggð útnefnir bæjarlistamann ársins.

Sundlaugin á Siglufirði hefur verið opnuð. Vegna bilunar í hitaveitu þurfti að loka sundlauginni á Siglufirði hluta út degi. Búið er að lagfæra hitaveitu og vatn komið á að nýju.

Heitt vatn er komið á að nýju á Siglufirði en vegna bilunnar í hitaveitu þurfti að taka heitt vatn af hluta af Siglufirði í dag. Búið er að lagfæra bilunina og heita vatnið komið á aftur.

Ný lög um meðhöndlun úrgangs og flokkunar tóku gildi um sl. áramót. Lögunum er ætlað að skapa skilyrði fyrir myndun hringrásarhagkerfis svo stuðla megi að sjálfbærri auðlindanotkun og draga úr myndun úrgangs. Lögin kveða á um, að við hvert heimili skuli flokka í fjóra flokka, þ.e. pappír og pappa, plast, lífrænan úrgang og blandaðan úrgang. Það er von mín að sem allra minnst verði í tunnunum með blandaða úrganginum

Bæjarstjórn Fjallabyggðar hefur samþykkt að setja á fót samráðshóp um stefnumótun og framtíðarsýn íþróttastarfs í Fjallabyggð. Samráðshópnum er m.a. ætlað að fjalla um stefnumótun til framtíðar um metnaðarfulla uppbyggingu fjölbreytts íþróttastarfs fyrir íbúa Fjallabyggðar á öllum aldri. Styrkjakerfi sveitarfélagsins til íþróttamála með tilliti til þess hvernig hægt sé að hvetja til sameiningar íþróttafélaga í sömu grein innan sveitarfélagsins. Framtíðarsýn í uppbyggingu íþróttamannvirkja og aðstöðu til íþróttaiðkunar innan húss og utan. Að ráðstöfun fjármuna sveitarfélagsins sé forgangsraðað á þann hátt að þeir nýtist fjöldanum.

Vélsleðafélag Ólafsfjarðar heldur HELIAIR SNOCROSS keppnina laugardaginn 18. febrúar nk. í Ólafsfirði. Um er að ræða fyrstu umferð til Íslandsmeistara og hefst keppnin kl. 12:00. Keppnissvæðið er innanbæjar á svæðinu kringum tjörnina og sundlaugina í Ólafsfirði.

Svæðisáætlun um meðhöndlun úrgangs á Norðurlandi Mat á umhverfisáhrifum. Öll sveitarfélög á Norðurlandi, samtals 16 sveitarfélög á svæðinu frá Stikuhálsi í vestri að Bakkaheiði í austri, vinna nú að sameiginlegri svæðisáætlun um meðhöndlun úrgangs í samræmi við 6. gr. laga um meðhöndlun úrgangs, nr. 55/2003, með síðari breytingum.

Ræsting í Leikskóla Fjallabyggðar, Leikhólum Ólafsfirði. – Skilafrestur verðtilboða framlengdur til kl. 13:00 föstudaginn 17. febrúar. Fjallabyggð óskar eftir verðtilboði í verkið: Ræsting fyrir Leikskóla Fjallabyggðar. Leikhólar Ólafsfirði.

Skipulagslýsing – upphaf vinnu við breytingu deiliskipulags á Leirutanga, Siglufirði Bæjarstjórn Fjallabyggðar leitar ábendinga á fyrirhugaðri breytingu á deiliskipulagi Leirutanga á Siglufirði. Í skipulagslýsingu, sem gefin er út af Stoð ehf. fyrir Bás ehf., koma fram upplýsingar um forsendur, stefnu og fyrirhugað skipulagsferli. Tilgangur með útgáfu lýsingar er að tryggja aðkomu almennings og hagsmunaaðila að skipulagsferlinu á fyrstu stigum.

Fjallabyggð auglýsir skipulag í Fjallabyggð. Um er að ræða tillögu að breyttu Aðalskipulagi Fjallabyggðar 2020-2032, verslun og þjónusta í Skarðsdal, Siglufirði – nýr landnotkunarreitur og tillögu að deiliskipulagi fyrir þjónustuhús og smáhýsi við Skarðsveg, Siglufirði,