Fréttir

Opnað verður fyrir umsóknir í Lóu 2. mars 2023 og er umsóknarfrestur til 27. mars 2023.

Nú stendur yfir vinna við gerð útboðsgagna fyrir sorphirðu heimilissorps í Fjallabyggð.

Hátindur 60+ er heiti á þróunarverkefni í þjónustu við fullorðna íbúa sveitarfélagsins sem hefur að leiðarljósi samþættingu félagsþjónustu og heilbrigðisþjónustu, nýsköpun og heilsueflingu fullorðinna íbúa Fjallabyggðar. Hátindur 60+ er samvinnuverkefni Fjallabyggðar, Heilbrigðisstofnunar Norðurlands (HSN), Samtaka sveitarfélaga og atvinnuþróunar á Norðurlandi eystra (SSNE) og Heilbrigðis- og velferðarklasa Norðurlands (Veltek).

Pössum að ruslatunnurnar okkar séu á öruggum stað og ekki sé hætta á að þær fjúki.

Miðvikudagskvöldið 22. febrúar sl. komu Kíwanismenn færandi hendi í félagsmiðstöðina Neon. Kíwanisklúbburinn Skjöldur afhenti félagsmiðstöðinni tvær Playstation 5 tölvur og smart skjávarpa að gjöf. Agnar Óli Grétarsson, fulltrúi Neonráðs tók við gjöfinni fyrir hönd unglinga í Neon og þakkaði Kíwanis fyrir höfðinglega gjöf.

Fjallabyggð og Dalvíkurbyggð standa saman að samráðsfundi fyrir ferðaþjónustuaðila á Tröllaskaga miðvikudaginn 1. mars nk. Fundurinn verður haldinn í Tjarnarborg Ólafsfirði og hefst kl. 14:00. Allir hjartanlega velkomnir.

Fjórtán verkefni hafa verið valin til þátttöku á Fjárfestahátíð Norðanáttar sem fer fram á Siglufirði þann 29. mars nk. Þetta er í annað sinn sem Norðanátt stendur að hátíðinni en í ár var öllum landshlutum boðið að taka þátt og sóttu þrjátíu verkefni af öllu landinu um á Fjárfestahátíðina.

Bæjarstjórn Fjallabyggðar leitar ábendinga á fyrirhuguðu deiliskipulagsverkefni fyrir hafnarsvæðið á Siglufirði. Í skipulagslýsingu, sem gefin er út af Lilium teiknistofu fyrir Fjallabyggð, koma fram upplýsingar um forsendur, stefnu og fyrirhugað skipulagsferli. Tilgangur með útgáfu lýsingar er að tryggja aðkomu almennings og hagsmunaaðila að skipulagsferlinu á fyrstu stigum.

Vegna vetrarfrís grunnskólans og öskudagsskemmtunar í íþróttahúsinu í Ólafsfirði á miðvikudag er breytt aksturstafla fyrir dagana 22. febrúar og 24. febrúar. Akstur samkvæmt áætlun fimmtudaginn 23. febrúar.

Öskudagsskemmtun í íþróttahúsi í Ólafsfirði, miðvikudaginn 22. febrúar. Foreldrafélag Leikhóla stendur fyrir öskudagsskemmtun kl. 15:00 – 16:00 fyrir börn á öllum aldri. Mikilvægt er að foreldrar eða fullorðnir einstaklingar fylgi yngstu börnunum. Sett verður upp þrautabraut fyrir yngstu börnin og kötturinn sleginn úr tunnunni.